Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> سائنسی دُنیا >> چھوٹا قد ، لمی حیاتی

چھوٹا قد ، لمی حیاتی

جمیل اختر
May 14th, 2014
5 / 5 (1 Votes)



جے تہاڈا قد اپنے سنگیاں دے مقابلے وچ چھوٹا اے تے تہانوں پریشان ہون ، چنتا کرن، تے قد ودھاون لئی ٹوٹکے ازماون دی لوڑ نہیں اے۔ سگوں تہانوں اپنے چھوٹے قد اتے خوش ہونا چاہیدا اے تے ایہنوں اک نعمت سمجھدیاں ہوئیاں شکر کرنا چاہیدا اے ۔ کیوں جے ایہہ پکا امکان موجود اے کہ تسیں اپنے سنگیاں کے مقابلے وچ زیادہ عرصے تیکر جیو گے اتے ایس دنیا دا نظارہ کرو گے۔

سائنس داناں نیں کافی چیر تیکر تحقیق کرن توں بعد ایہہ دعویٰ کیتا اے کہ جہنااں لوکاں کے قد پنچ فٹ دو انچ یا اوہدے توں گھٹ ہوندے نیں اوہ عام قد کاٹھ دے بندیاں دے مقابلے وچ زیادہ عرصے تیکر زندہ رہندے نیں۔

سائنس داناں دا کہنا ا ے کہ ہوسکدا اے کہ چھوٹے قد آلیاں نوں اپنی حیاتی وچ زیادہ مسلیاں دا ساہمنا کرنا پیندا ہووے، اتے اوہناں نوں اپنے سنگیاں تے بیلیاں دا مذاق وی سہنا پیندا ہووے ۔ ایہہ وی ہوسکدا اے کہ چھوٹے قد پاروں اوہناں دیاں کئی خواہشاں پوریاں نہ ہوندیاں ہون ، پر اہناں ساریاں چیزاں دے بدلے اوہناں نوں جو چیز ملدی اے، اوہدا کوئی بدل نیںق اے تے اوہ چیز اے لمی حیاتی ۔

کئی ورھیاں تیکر کھوج کرن مگروں سائنسداناں نوں اس گل دے ثبوت ملے نیں کہ پنج فٹ دو انچ یا ایس توں چھوٹے قد والے مرداں وچ ایک خاص قسم دا جین ہوندا اے جڑن ا اوہناں نوں لمے عرصے تیکر جیون وچ مدد دیندا اے۔

یونیورسٹی آف ہوائی وچ وڈی عمر دے مسئلیاں اتے بیماریاں دے شعبے دے ڈاکٹر بریڈلی ول کاکس دے نال رل کے کم کرن والی سائنس داناں دی ٹیم دا آکھنا اے کہ چھوٹے قدوالیاں وچ ایک خاص جین FOXO3 ہوندا اے جیہڑا قدنوں ودھن تو روکدا اے ۔ پر ایہو اوہ جین وی اے جیہڑا بندے دی حیاتی وچ وادھا وی کردا اے۔

سائنس داناں دا کہنا اے کہ چھوٹے قد والیاں نوں بلڈپریشر تے کینسر دا خطرہ وی دوجے لوکاں دے مقابلے وچ گھٹ ہوندا اے۔

ٹیلی گراف وچ چھپن آلی اک رپورٹ وچ دسیا گیا اے کہ سائنس داناں دی ٹیم نیں اپنی کھوج لئی لوکاں نوں دو گروپاں وچ ونڈیا۔ اک گروپ وچ اوہ لوکی سن جیہناں دے قد پنج فٹ دو انچ یا اوس توں گھٹ سی تے دوجے گروپ دے لوکاں دے قد پنج فٹ چار انچ توں ودھ سن۔

ڈاکٹر ول کاکس کہندے نیں کہ جاقد ں لوکاں کے قد پنج فٹ دو انچ یا ایس تو گھٹ سن ، اوہ زیادہ عرصے تیکر زندہ رہے۔

اوہناں دا آکھنا اے کہ اسانوں پتا لگیا کہ جیویں جیویں قد ودھدا اے ، حیاتی گھٹ دی جاندی اے۔ چھ فٹ یا ایس توں لمبے قد والیاں دی عمراں سب توں گھٹ سن۔

ڈاکٹر بریڈلی کہندے نیں کہ ایس کھوج توں اسانوں پہلی وار ایہہ پتا لگیا کہ انسانی قددا تعلق FOXO3 جین دے نال اے۔

جے تہاڈا قد پنج فٹ دو انچ یا ایس توں زیادہ اے تے تہانوں پریشان ہون دی لوڑ نیں اے۔ ڈاکٹر بریڈلی آکھدے نیں کہ جین FOXO3 توں وکھ ہور وی کئی دوجیاں چیزاں دا اساڈی عمر دے نال تعلق ہوندا اے۔ جے تسیں صحت مند ماحول وچ رہندے او، صحت بخش خوراک کھاندے او، اپنے آپ نوں بیماریاں توں بچاندے او ، ورزش کردے او اتے پریشانیاں توں بچن کی کوشش کردے او تے فیر تساں اوسط عمر توں زیادہ عرصے تیکر زندہ رہ سکدے او۔

ڈاکٹر بریڈلی ول کاکس دی ٹیم نے اپنے کھوج لئی اٹھ ہزار توں ودھ لوکاں دے ڈیٹا دا مطالعہ کیتا۔ یہ سارے لوکی 1900 توں لے کے 1919 دی مدت وچ جمے سن۔ اتے ایہہ سارے جاپانی نسل دے امریکی سن۔ کھوج وچ اوہناں لوکاں دے رہن سہن دے طریقیاں، اوہناں دی صحت تے اوہناں نوں لگ آلیاں بیماریاں دا جائزہ لتا گیا تے ایس کم اتے کئی ورھے لگے۔

سائنس ڈیلی وچ چھپن آلی رپورٹ وچ دسیا گیا اے کہ اس کھوج وچ جااتےں اٹھ ہزار لوکاں دا ڈیٹا استعمال کیتا گیا، ایس ویلے اوہناں وچوں 1200 توں ودھ لوکاں دی عمراں 90 سال توں ودھ نیں ۔ جد کہ تقریباً 250 بندے ایہوجئے وی نیں جیہڑے اپنی حیاتی دے سو ورھے پورے کرچکے نیں تے ہن وی جیندے پئے نیں۔



Share |


 

Depacco.com


 

 

Your Name:
Your E-mail:
Subject:
Comments:


Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels