کجھ سائنسداناں دا مننا ہے پئی مدھرے قد والیاں دے کرودھی ہون دا امکان بوہتا ہندا اے پر مرداں تے زنانیاں وچ ایس دے کارن وکھ وکھ ہوسکدے نیں۔
سپین تے پرتگال دے کھوجکاراں نے 549 گھبرواں تے مٹیاراں نال ون سونے سوال کیتے جیس توں ایہہ سمجھیا جاسکدا اے کہ اوہ کیہڑیاں شیواں نوں لے کے کِنی ساڑ محسوس کردے ہین تے آپ اپنے نوں غیر محفوظ سمجھدے ہین۔
" نیو سائنٹسٹا" رسالے وچ چھپے ایس کھوج وچ دسیا گیا اے کہ مدھرے جوان اپنے آپ نوں امیر، مضبوط تے سوہنیاں گُناں توں کمزور سمجھدے ہین۔ جد کہ لمے لوک انج دیاں گلاں توں بے فکرے رہندے نیں۔
مٹیاراں وچ کرودھ دا سبھ توں وڈا کارن دوجی عورت دی خوبصورتی تے اوہدی چمک دَسیا گیا جے۔ مدھریاں عورتاں وچ ایہہ حسد سبھ توں ودھ ہُندا اے۔
مدھریاں عورتاں گھٹ حاسد ہندیاں ہین لیکن وکھ لمائی دیاں عورتاں توں اپنے آپ نوں غیر محفوظ محسوس کردیاں نیں۔گرونننگین تے ویلینسیا یونیورسٹی دی ایس کھوج وچ دسیاگیا اے کہ مدھرے قد دیاں عورتاں بوہتیاں صحتمند تے خش قسمت ہونا چاہندیاں نیں۔ اوڑک ایہہ ہندا اے کہ اوہ رلویاں چنگیاں مندیاں مٹیاریاں ای اوہناں نوں چنگیاں لگدیاں ہین۔
کھوجکاراں دا آکھنا جے کہ مدھرے قدے دی عورتاں سماجی حالات یاں جسمانی مجبوریاں جیویں مردانہ لچھن والیاں لمے قد دیاں مٹیاراں توں بوہتا سڑدیاں ہین۔
قد کاٹھ مان نال جڑت اے۔
مُڈھلے طور تے "جرنل آف ایوولیوایشن اینڈ ہیومن بیہیویئر" وچ چھپی ایس رپورٹ وچ کیہا گیا ہ کہ لمے قد دے گھبرو گھٹ حاسد ہو سکدے ہین کیونجے مرداں وچ لمائی سوہنا سنکھا بندہ تے بہتر اُچیری جوگتا نال جوڑ کے دیکھیا جاندا ہے۔
کھوجکاراں دا کہنا جے کہ پرانے جگت دے دوجیاں مخلوقاں وچ وی ایہہ گل وِکھدی ہے کہ لمے قد دی مخلوق لڑائی جِتدی ہے، بھار پَکا رکھدا ہے تے مادہ تیک پہنچ کے ماملے وچ بھارا ہندا اے۔
کھوجکاراں دا مننا اے کہ انسان وچ لمائی اوہ شے اے جیس تے کسے دی وی نظر سبھ توں پہلاں پیندی اے تے ایہہ اُچیچی توں جُڑیاں ہویا ماملہ اے۔ ایہناں لوکاں نے پچھلے دِناں کیتے گئے کماں دا حوالہ وی دِتا اے جیس وچ دَسیا گیا سی کہ لمے مرد کیریئر وچ بوہت اگے ہندے ہین، بوہتا کماؤندے نیں تے اوہناں نوں بوہتیاں سوہنیاں زنانی دوستاں دا ساتھ ہندا اے۔ وڈے کھوجی ابراہام کہندے نیں کہ ہُن ایس کھوج توں ایہہ پتہ چلدا اے کہ لمے مرد نفسیاتی طور تے وی لابھ وچ رہندے نیں۔ لیکن ماہرین نفسیات دا کہنا اے کہ حسد دے پچھے دوجے کارن کم کردے نیں۔ برٹش نفسیاتی پرھیا دے سمان گولس تھارپ دا کہنا اے کہ " حسد اک طرحاں دا خوف ہے، ایہہ اپنے پیار نوں کھوہن دا ڈر اے"۔
