سائنسداناں نے ثبوت دتا اے کہ اجکل موسماں وچ آؤندی بدلی دے پچھے سورج وچ چل رہے عمل توں ہون والی تبدیلیاں وجہ نہیں اے۔
ایس نویں پرکھ دے سٹیاں توں رُت بدلن دے بارے وچ ایہناں مشہور نظریات نوں دھکا لگا اے جیہناں مطابق دھرتی تے خلاء توں آؤن والی رشماں بدلاں تے دھرتی دے درجہ حرارت نوں متھدیاں نیں۔
ایہدے مطابق سورج وچ چل رہے عمل وچ آؤن والیاں تبدیلیاں دھرتی تے آؤن والی خلائی بھرویں رشماں نوں متاثر کردی اے۔ لیکن لوکوسٹر یونیورسٹی دے سائنسداناں مطابق پچھلے 20 ورہیاں وچ خلائی رشماں تے اوہناں وچکار کوئی سانگا نہیں ملیا ہے۔ ایس کھوج نوں اگانہہ تور کے لیجاون والے یونیورسٹی دے سائنسدان دا کہنا اے کہ ایہناں دا مطلب ایہہ اے پئی گرین ہاؤس گیساں نوں گھٹاون دیاں کوششاں جاری رہنیاں چاہیدیاں نیں۔
نویں کھوج
ایہناں سِٹیاں نوں انسٹیٹیوٹ آف فزکس دے جرنل انوائرمینٹل ریسرچ لیٹر وچ چھاپے چاڑھیا گیا اے۔ ایس وچ سائنسداناں نے دسیا ہے کہ اوہناں اپنی کھوج ویلے تِن وکھ وکھ طریقے اپنائے۔
خلائی رشماں دے عمل نوں ڈنمارک دے سائنسدان ہینرک سوین مارک نے ڈینش نیشنل سیپیس سینٹر (ڈی این ایس ایس سی) وچ دعویٰ کیتا ہے۔ لونکاسٹر یونیورسٹی دے ٹیری سالون نے دسیا "اسیں ایس پرکھ نوں سوین مارک دی پرکھ دے کارن ای شروع کیتا سی۔"
سالون دے مطابق "جیکر سوین مارک سہی سی تے فیر اسیں کاربن دے بھاپ راہیں کم کرن دے لِتے گئے بوہتے مہنگے طریقے نوں نال غلط پاسے جا رہے سی۔ جیکر اوہ سہی سی تے فیر سانوں کاربن دے بھاپ بن جان دے کئی فرق پڑھنے چاہیدے نیں۔
الیکٹرک مالیکیول
خلائی رشماں نوں ساڈے سیارے دیاں مقناطیسی کھیتر دھرتی نال موڑ دیندا اے۔ شمسی ہواوں دے کارن ایریل الیکٹرک مالیکیول سورج توں آؤندے نیں۔ سوین مارک دا مفروضہ ایہہ سی کہ جد شمسی ہواواں ماڑیاں پیندیاں ہین تے دھرتی اُتے آؤن والیاں خلائی رشماں دی گنتری ودھ جاندی اے۔ ایس توں خلاء وچ تے چوکھے الیکٹریکل مالیکیول بن دے ہین، جیہدے توں بدّل بندے ہین تے موسم ٹھنڈا ہُندا ہے۔
درجہ حرارت دا ودھنا
جدوں سورج وچ رشماں دی بھاپ اتانہہ اُٹھدی ہے تے فیر درجہ حرارت ودھدا ہے۔
پروفیسر سالون نے کیہا کہ سورج جد ڈکار ماردا ہے تے اوہ دھرتی تے ودھدی گنتری وچ الیکٹریکل مالیکیول سٹدا ہے ۔ اوہناں دسیا "اسیں ایہہ ویکھنا چاہندے سی کہ جدوں سورج توں انج دیاں رشماں آؤندیاں ہن تد کیہ بدلاں دی گنتری ودھ جاندی اے؟ لیکن اسیں اجیہا کجھ نہیں ویکھیا۔ سورج دے 11 ورھیاں دے اک قدرتی گیڑے دے مگروں خلائی رشماں دی پکڑ تے بدلاں نوں چھاں وچ اک ماڑی اندرلا تعلق وکھاؤندا اے۔ لیکن اگلے چکر وچ انج دا کوئی اندرلا تعلق نہیں وکھیا۔
