اک نویں کاہڈ موجب نیند دی کمی دے شکار نیانیاں نوں مستقبل وچ جذباتی مسئلیاں دے نال نال وزن ودھن دے خطرے دا وی ساہمنا ہو سکدا ہے۔ ریسرچ وچ ایہہ وی آکھیا گیا ہے جو نیانیاں وچ نیند دی کمی دے مسئلے دے ذمے وار اوہناں دے ماپے ہندے ہین۔
ڈاکٹر جوڈیتھ اونز آکھدے ہین جو ماپے نیانیاںدے سوون ویلے اوہناں دے سون دے عمل وچ جنی مداخلت کرن گے اوہ سون لئی اونا ہی اوہناں تے بوہتا انحصار کرے گا۔
کینیڈا دے مانٹریال یونیورسٹی دے ماہراں نے پنج مہینے دی عمر دے نیانیاں دے نو سو توں ودھ ماپیاں نال اوہناں دے نیانیاں دی نیند دے انداز تے اوہناں نوں سوان دے طریقے دے حوالے نال گل کیتی۔ تے پھیر اہناں نیانیاں دے چھ سال دی عمر تیکر اپڑن توں مگروں اوہناں دے ماپیاں دا پھیر سروے کیتا۔
ایس کاہڈ توں ایہہ ظاہر ہوندا ہے کہ جنہاں نیانیاں نوںنیند دی کمی دے مسئلے دا ساہمنا سی، چھ سال دی عمر تیکر اپڑن توں مگروں اوہناں وچ کئی قسم دے جذباتی مسئلے بن گئے ہین تے کئیاں دا وزن عمر دے حساب نال ودھ گیا سی۔
