مچھلیاں دی اک قسم انج دی ہے جیہڑی کہ صرف مادہ مچھلیاں دی ہوندی ہے تے بناء کسے نر مچھلی دے پچھلے ستر ہزار سال توں موجود ہے۔ یونیورسٹی آف ایڈنبرگ دے سائنس داناں دا خیال ہے کہ ایمازون مولی ناں دی ایس مچھلی دی قسم ختم ہوون توں مکاون لئی خاص قسم دی جینیاتی تدبیراں کردی ہے۔
ٹیکساس تے میکسیکو وچ پائی جاون والی ایس مچھلی ولوں خیال کیتا جاندا ہے کہ ایہہ دوجی قسم دیاں نر مچھلیاں دے نال رہ کے تولید دے عمل نوں اگے ودھاوندی ہے۔ اوہناں توں پیدا ہوون والے بچے اُکا اپنی ماں وانگوں ہوندے ہین تے اوہناں وچ نر مچھلی دے ڈی این اے دا کوئی نشان نہیں ہوندا۔
ایڈنبرگ یونیورسٹی وچ سائنس دان ایس گل تے کاہڈ کڈھ رہے ہین کہ ایمازون مولی ایہہ کیویں کر سکدی ہے۔ یونیورسٹی دے سکول آف بائیولوجیکل سائنسز دے ڈاکٹر لارنس لوئی آکھدے ہین کہ ایس مچھلی وچ اُچیچی گل ہے جیہڑی ایس نوں ناپید ہوون توں بچاوندی ہے۔ ' ہوسکدا ہے کہ ایہہ اجنبیاں نال کدی کدی ملاپ کردی ہووے جیس نال ایہہ قسم بچی رہی ہے۔ مستقبل دی کاہڈ ایس نوں کھولے گی'۔
