آؤن والے 3ورھیاں وچ وِنڈ ٹربائن راہیں پورے مُلک وچ 400توں 500میگا واٹ بجلی روزوار بنائی جاوے گی۔ایہہ گل آلٹر نیٹِو انرجی بورڈ دے پردھان ژاہد حامد نے دسّی ۔اوہناں آکھیا جو پہلاں ترکی دی اک کمپنی نال رل کے سندھ دے علاقے جمبھیر وچ 5وِنڈ ٹربائن لائیاں جاون گئیاں جیہدے نال 6میگا واٹ بجلی روزوار بنے گی۔
اوہناں آکھیا جوسندھ تے بلوچستان دے وکھو وکھ علاقیاں وچ مائکرو ٹربائن پہلاں ای لائیاں گئیاں ہین تے جون 2008دے اخیر تائیں کُل 65پِنڈاں نوں ایس بجلی تے کر دتا جاوے گا تے 2008ورھے دے اخیر تائیں 400پِنڈاں نوں ایس بجلی تے کر دتا جاوے گا ۔شاہد حامد نے ایہہ وی آکھیا جو بائیو ڈیزل بناؤن لئی وی تجربے کیتے جا رہے ہین ۔
