پٹرول توں کھیڑا چھڈاؤ، امریکہ وچ بیٹری نال چلن والی کار تیار

پٹرول توں کھیڑا چھڈاؤ، امریکہ وچ بیٹری نال چلن والی کار تیار

پٹرول دے نِت دیہاڑے ودھدے مُل توں تنگ لوکاں لئی اک چنگی خبر اے جو امریکا وچ بیٹری نال چلن والی دُنیا دی پہلی کار نوں ویچن لئی مارکیٹ وچ گھل دتا گیا اے۔دوہاں بندیاں دے بیٹھن لئی بنائی جان والی ایس کار وچ اک اجیہی بیٹری رکھی گئی اے جیس نوں چارج کر کے 200کلو میٹر دا پندھ کیتا جا سکدااے۔

ایہہ گڈی چھڑا 4 سکِنٹاں دے ویلے وچ 60کلو میٹر فی گھنٹہ دی سپیڈ پھڑ سکدی اے۔ایس گڈی دا ناں ایس نوں بناؤن والے دے ناں تے ای رکھیا گیا اے ۔ایس کار دا مُل اک لکھ امریکی ڈالر اے ۔Tesla Roadsterناں دی ایس گڈی دے خریداراں وچ مشہور اداکار تے کیلی فورنیا دے گورنر آرنلڈ شواز نیگر تے ہالی ووڈ دے لیجنڈ جارج کلونے وی رلتی ہین،