سائنس داناں دی رپورٹ موجب مکڑے سیکس توں پہلاں مکڑی نال سورج دیاں انج دیاں یو وی بی شعاعواں راہیں گلاں کردے ہین جنہاں نوں انسانی اکھاں نہیں ویکھ سکدیاں ہین۔ مطالعہ کرن والی ٹیم نے کاہڈکڈی ہے کہ مکڑے، مکڑی نال رابطہ کرن لئی سورج دی یو وی بی شعاعواں ورت دے ہین۔
کاہڈواں دا کہنا ہے کہ حالانکہ سورج دیاں یو وی اے شعاعواں کئی جانوراں دے وچکار رابطے لئی ورتوندیاں ہین۔ پر ایہہ پہلا معاملہ ہے جتھے مکڑیاں وچ سورج دی یو وی بی شعاعواں راہیں رابطے دے ثبوت ملے ہین۔ ایہہ مطالعہ سائنسی جریدے ' کرنٹ بائیلوجی' وچ چھاپیا گیا ہے۔
کاہڈواں نے دریافت کیتا ہے کہ مکڑیاں، اوہناں مکڑیاں نال سیکس کرنا چاہندیاں سن جیہڑے مکڑے یو وی بی شعاعواں راہیں اوہناں نال گل کرسکدے سن نہ کہ اوہناں نال جیہڑے کسے چیمبر وچ بیٹھے ہوندے ہین تے جتھوں یو وی بی شعاعواں نہیں نکل سکدیاں۔
سنگا پور نیشنل یونیورسٹی دے پروفیسر ڈیقن لی دا آکھنا ہے کہ ' یو وی بی تے یو وی اے شعاعواں سورج دیاں شعاعواں دا حصہ ہوندیاں ہین پر اہناں شعاعواں نوں انسانی اکھاں نال نہیں ویکھیا جاسکدا۔'
پروفیسر ڈیقن لی موجب ' جانوراں وچ آپو دے رابطے ولوں بوہتے پچھلے مطالعے یو ای اے شعاعواں تے ہوندے سی پر یو وی بی شعاعواں ولوں جانوراں تے ایہہ پہلا مطالعہ ہے۔' ڈیقن موجب ' ہن تیکر سائنسداناں دا ایہہ خیال رہیا ہے کہ جانور یو وی بی شعاعواں نوں نہیں ویکھ سکدے ہین پر اسیں ایہہ پایا ہے کہ ایہہ ٹھیک نہیں ہے۔'
مکڑے دے کول کمپلکس اکھاں ہوندیاں ہین تے سائنسدان جاندے ہین کہ یو وی اے شعاعواں نوں ہی قبول کردیاں ہین۔ پر ایہہ ہن وی ظاہر نہیں ہے کہ مکڑیاں نوں یو وی بی شعاعواں دا پتہ کیویں ہوندا ہے۔
