سائنسی کاڈھواں موجب اوہ بندے جیہڑے گھراں وچ رنگ روغن کردے ہین اوہناں تے رنگ وچ ورتے جاون والے جلیکول کیمیکل دا اثر ہوندا ہے تے اوہناں دی گبھن کرن دی طاقت گھٹ جاندی ہے۔
برطانیہ دی یونیورسٹی آف مانچسٹر اتے شیفیلڈ دی اک رلویں کاہڈ وچ تولیدی مرکزاں تے جاون والے دو ہزار بندیاں تے کاہڈ کڈھی گئی جیہڑے مردانہ طور تے بانجھ سن۔ کاڈھواں موجب اوہ بندے جیہڑے رنگ روغن کردے نیں اوہناں وچ بال جمن دی صلاحیت ڈھائی فیصدی گھٹ ہوندی ہے۔
کاڈھواں موجب مردانہ بانجھ پن دیاں دوجیاں وجہاں وچ تمباکو پینا، بوہتے کسّے ہوئے پجامے پاؤنا، تے خصیاں دی سرجری توں اڈ رنگ روغن وچ ورتیا جاون والا کیمیکل وی بندیاں دی تولیدی صلاحیت نوں گھٹا دیندا ہے۔
یونیورسٹی آف مانچسٹر دے ڈاکٹر اینڈی پووی موجب اوہناں نوں پہلوں وی پتہ سی کہ جلیکول بندیاں دی بال جمن دی طاقت تے اثر پاؤندا ہے اتے پچھلے دو دہاکیاں توں ایس کیمیکل دی ورتوں وچ گھاٹا ہویا ہے۔
