ناسا دے سائنس داناں نے کہیا ہے اوہ ایہہ جان کے حیران رہ گئے جو مریخ دی سطح کئی زمینی جڑی بوٹیاں نوں اگاون دی صلاحیت رکھدی ہے۔امریکی خلائی ماہراں نے جمعرات نوں مریخ دی مٹی تے پہلے کیمیائی تجزئیے دے تت کھولے ہین کہ اہناں خیالاں توں الٹ مریخ دی مٹی تیزابی نہیں ہے تے تجزئیے توں ایہہ ظاہر ہویا ہے اوتھے انج دیاں شیواں تے غذائی اجزا موجود ہین جیہڑے زندگی وچ مدد دے سکدے ہین۔
دوہفتے پہلوں مریخ تے اترن والے خلائی جہاز فینکس نے مریخ دی مٹی دا نمونہ لین توں مگرون اپنی لیبارٹری وچ اہنوں 538 ڈگری سینٹی گریڈ تے تتا کیتا سی۔ ایس موقعے تے نمونے توں پانی دے کجھ بخارات نکلے سن۔ سائنس داناں دا کہنا ہے ایہہ مٹی اُکی اُنج دی ہے جیویں ساڈے ویہڑیاں وچ ہوندی ہے۔
