اک نویں کاہڈ وچ پتہ لگا ہے کہ تازے تے ٹھنڈے ہدوانے (تربوز) دا اثر اوہو ای ہوندا اے جیہڑا ویاگرا کھاون دا۔ پر ایہہ ضروری نہیں کہ ایہہ تہاڈی ساری رات نوں رنگین بنائی رکھے۔ ہدوانے وچ اک عنصر سٹرولین پایا جاندا ہے جیہڑا اوہ ہارمون پیدا کردا ہے جیہڑے پنڈے دیاں خون دیاں ناڑیاں نوں ٹھنڈا کردا ہے۔ ایہہ اوہو ای کم اے جیہڑا ویاگرا کھاون توں مگروں ہوندا اے۔
جدوں واہوا سارا کھاہدا جاوے تے ہدوانے دے گُودے تے اوہدے ہیٹھ چٹے رنگ دے حصے وچ موجود سٹرولین پنڈے دے اینزائم نال رل کے عمل کردے ہین تے آرگنن بنندا اے جیہڑا اک طرحاں دا امائنو ایسڈ ہوندا اے۔ ایہہ دل تے پنڈے وچ خون دے بہاء نوں طاقت دیندا اے۔ آرگنن نائٹرک آکسائیڈ نوں ودھاؤندا اے جیہڑا خون دیاں نالیاں نوں ٹھنڈا کر دیندا اے تے ویاگرا وی ایہو کم کردی اے۔
کھوج کرن والے سائنسدان دا آکھنا ہے کہ ہدوانے نوں بالکل ویاگرا دے طور تے تاں نہیں ورتیا جا سکدا پر ایہہ خون دیاں ناڑیاں نوں بنا کسے دوائی دے ورتیاں سکون دیون دا بہت ودھیا طریقہ ہے۔
