سنگیت راہیں علاج دا طریقہ پرانے آیوویدک طریقے دے علاج وچ ہزاراں ورھیاں توں ہو رہیا ہے۔ ہن نویں کاہڈ وچ پتہ لگا ہے کہ سنگیت کئی روگاں دا دارُو وی ہوندا اے جتھے سنگیت ذہنی سکون دا وسیلہ بنندا اے اوتھے ای ایہہ بندے دے درد نوں دور کرن لئی وی ودھیا ہے جیہڑا آپریشن تے دوائیاں نال وی نہیں ٹھیک ہوندا تے اوہد دوجے بھیڑے اثرات وی ہوندے نیں۔
ایس سلسلے وچ ممبئی دے اک ہسپتال وچ میوزک تھراپی دا تجربہ شروع کیتا گیا اے۔ ایہدے وچ سنگیت دے کئی آلیاں راہیں ایہو جہیاں لہراں پیدا کیتیاں جاندیاں ہین جیہناں نال روگی نوں ذہنی ای نہیں سگوں جسمانی سکون وی ملدا اے تے ایہدے وچ روگ مطابق سُراں دے اتار چڑھا نوں ای خاص لے وچ گھٹایا ودھایا جاندا اے۔
ایس علاج وچ میوزک تھراپی دیاں سی ڈیاں دتیاں جاندیاں نیں جیہناں راہیں ذہنی کھلار، شوگر تے سر پیڑ توں اڈ دورے، دل دیاں دھڑکناں دا بے قابو ہونا، کئی انگاں وچ کھچائ، تے پٹھیاں دے درد دا علاج کیتا جاندا اے۔
ایس توں اڈ انسومینا (نیندر نہ آؤنا) تے ڈر ورگے روگاں دا علاج وی ہوندا اے۔ ڈاکٹراں دا آکھنا اے کہ سی ڈیز دے البم وچ جیہڑا سنگیت چُنیا گیا اے اوہدے وچ آوازاں دے اتار چڑھا تے دھناں دی بُنتر تے کاہڈ مگرں اوہناں نوں وکھریاں وکھریاں مرضاں لئی ورتیا جاندا اے۔
سنگیت راہیں دل دیاں روگاں دا علاج سبھ توں چنگا ہوندا اے جیہدے وچ دھڑکنا دا بے قابو ہونا، ہائی بلڈ پریشر، خون دیاں ناڑاں تے پٹھیاں دے سُنگڑن دے عمل نوں روکنا رلتی ہے۔
