امریکی سائنس داناں موجب دنیا وچ کجھ انج دے بندے موجود ہین جیہڑے تصویر نوں ویکھدے ہین اوہنوں سن وی سکدے ہین۔ سائنس داناں موجب ایہہ اک اُچیچی نشانی ہوندی ہے جنہوں ' سنستھیزیا ' کہندے ہین تے ایس وچ انسان دے کئی سینسز یاں حس اک دوجے وچ رل جاندے ہین تے انسان جو سن دا ہے اوہنوں ویکھ وی سکدا ہے۔
امریکہ دے نیو سائنٹسٹ میگزین دا کہنا ہے جو کیلیفورنیا انسٹیٹیوٹ آف ٹیکنالوجی وچ کاہڈوواں نے تن انج دے بندیاں دا پتہ لایا ہے جنہاں وچ ایہہ نشانی موجود سی اوہ جو چیز ویکھدیاں ہی اوہنوں سن وی سکدے ہین۔ ایہہ گل اُس ویلے ساہمنے آئی جدوں اک پڑھیار نے دعویٰ کیتا کہ اوہ کمپیوٹر دے سکرین سیور وچوں کجھ آوازاں سن سکدے ہین، انساناں وچ اک عام نشانی پائی جاندی ہے جو اوہ کجھ لفظ تے نمبراں نوں رنگ دے طور تے ایہہ ویکھ سکنے آں۔
کئی فنکاراں وچ ایہہ نشانی پائی گئی سی اوہناں وچوں اک سی دیوڈ ہوکنی جیہڑے گیت سن دے ویلے ایس وچ رنگ ویکھ سکدے سن۔ کیلیفورنیا دی ڈاکٹر ملیسا سینز نے کجھ پڑھیاراں وچوں ایس نشانی دا پتہ ایس ویلے لگیا جدوں اوہ پڑھیاراں دے اک گروپ نوں لیب دا دورہ کرا رہیاں سن تے ایس ویلے اک پڑھیار نے ایہہ پچھیا جو کمپیوٹر سکرین تے اک نکے نکے ڈوٹس دی چلدی پھردی تصویر نوں کوئی سن سکدا ہے یاں نہیں۔
سینز نے ایس پڑھیار نوں سوال جواب کیتے تے اوہناں نوں پتہ لگیا جو ایس پڑھیار نوں سوال جواب پچھے تے اوہناں نوں پتہ لگیا جو ایس پڑھیار وچ سنستھیزیا دی نشانی سی۔ ایس پڑھیار دے نال کئی وار انج ہوندا سی جو اوہ جیہڑی تصویر نوں ویکھدا سی اوہنوں سن وی سکدا سی بھاویں اوہ تصویر کسے وی قسم دی ہے۔
ایس توں مگروں بی بی سینز نے ڈوٹس دی اوہی تصویر کوئی اک سو پڑھیاراں نوں گھلی تے اوہناں نے تن ہور انج دے بندیاں نوں ویکھیا جو ایس تصویر توں آواز سن سکدے سن۔ ایس گل دی پک کرن لئی ایہہ پڑھیار واقعی ایس تصویر توں کجھ آوازاں سن سکدے سن ۔
ایس گل دی پک کرن لئی ایہہ پڑھیار واقعی ایس تصویر توں کجھ آوازاں سن سکدے سن اوہناں نے اوہناں نوں کئی طرحاں دیاں تصویراں وکھائیاں تے اہناں پڑھیاراں نے پھیر ایہو کہیا جو اوہ ایس نال بیپ ورگی آواز یاں کجھ فلیشیز سن سکدے ہین۔
جنہاں بندیاں نوں سنتھیزیا سی اوہ پچاسی فیصد تیکر صحیح سن تے اوہناں ساریاں نوں تقریباََ اک ورگیاں آوازاں سن دیاں سن۔
