عمر عیار دی ٹوپی لبھ گئی: سائنسدان بندہ غائب کرن جوگ ہو گئے

پرانے قصیاں وچ مشہور عمر عیار دی ٹوپی جس نوں پاکے اوہ لوکاں دیاں اکھاں توں غائب ہوجاندا سی سائنسداناں لبھ لئی ہے۔ ہن اوہناں ایسا مادہ تیار کر لیا ہے جیس نال چیزاں نوں اکھوں غائب کیتا جا سکے گا۔

ایہہ پراجیکٹ امریکی فوج نے برکلے یونیورسٹی کیلیفورنیا نوں دتا ہویا سی۔ موہری سائنس دان زنگ زانگ نے کہیا ہے جو اوہناں ایسا مادہ تیار کر لیا ہے جیہڑا کسے وی شے دے دوالے چانن دی سیدھ موڑ دیا کرے گا۔ ایس تکنیک نال جہاز ٹینک تے بندے لوکاں دے سامنے ہوندیاں وی اوہناں نوں وکھالی نہیں دین گے۔

اجے ایہہ پراجیکٹ عملی روپ کئی سالاں وچ دھارے گا پر ایس تے بڑے زور شور نال کم ہو رہیا ہے۔

ایس طرحاں دی ہی اک تکنیک ایمپیریل کالج لندن نے معلوم کیتی سی پر اوس وچ مائکرو ویو نال کم لتا جانا۔ ایہہ نویں ٹیکنیک نوں بہتر منیا جا ریا ہے۔