اگلے سال چین صنعتی پیداوار وچ امریکہ دی سو سالہ پردھانی مکا دیوے گا
وچار ڈیسک
August 11th, 2008
گلوبل انسائٹ نے فنانشل ٹائمز نوں اپنی پیشگوئی دتی ہے جیس دے مطابق اگلے سال چین دنیا دی صنعتی پیداوار دا ستاراں فیصد یا گیارہ ہزار ست سو تراسی بلین ڈالر پیدا کرے گا تے امریکہ سولاں فیصد۔
پچھلے سال تائیں وی ایسے گلوبل انسائٹ دی پیشگوئی سی جو امریکہ ویہہ سو تیراں تیکر دنیا وچ نمبر اک رہوے گا پر امریکہ وچ معیشت وچ مندی نال اندازیاں توں کتے ودھ پیداوار وچ گھاٹا پیا ہے۔
ایس تبدیل نال امریکہ دی پیداوار وچ سو سال دی پردھانی مک جاوے گی تے چین اپنی پرانی حیثیت تے آجاوے گا۔ معاشی تاریخ دان کہندے ہین جو چین اٹھاراں سو سال معاشی پیداوار وچ پردھان رہیا۔ ایس دی پردھانی اٹھاراں سو چالیہہ دے لاگے مکی جدوں برطانیہ صنعتی انقلاب نال نمبر اک ہو گیا۔
