امریکہ وچ سائنسداناں دا کہنا ہے جو اوہناں نے ایہہ پتہ لا لیا ہے جو مکھیاں نوں مارنا اینا اوکھا کیوں ہوندا ہے۔ پچھوکڑ وچ مکھیاں دی بچن دی خوبی بارے کئی توجیہاں پیش کیتیاں جاندیاں رہیاں ہین۔ پر ہن سائنس داناں دا کہنا ہے جو مکھیاں اپنے تیز دماغ تے ویلے توں پہلوں منصوبہ بندی دی خوبی دے کارن بچ جاندیاں ہین۔
ایس گل دا پتہ بوہت تیز رفتار تے سب چنگی ریزولیوشن والی ویڈیوز توں لگیا جنہے ایہہ ثابت کیتا جو کیویں مکھیاں آون والے خطرے توں خبردار ہو کے نسن دی راہ نپ لیندیاں ہین۔ہن سائنسداناں دا کہنا ہے جو مکھیاں مارن دا سب توں چنگا طریقہ ایہہ ہے جو صرف اوہناں دے نیڑے ہولی جئی جایا جاوے سگوں جتھے اوہ بیٹھیاں ہین ایتھوں تھوڑا جیا اگے نشانہ لایا جاوے۔
کیلیفورنیا انسٹیٹیوٹ آف ٹیکنالوجی دے سائنسداناں نے اپنے تجربے دے وچکار مکھیاں دیاں کئی فلماں بنائیاں جیہدے نال ایہہ پتہ لگیا جو مکھیاں جتھیاں بیٹھ دیاں ہین اوتھے بیہن توں پہلوں ہی کسے دھاڑے دی صورت وچ فرار دا راہ لبھ لیندیاں ہین۔
سائنس داناں دا ایہہ وی کہنا ہے جو مکھیاں چاہے خوراک حاصل کررہیاں ہوون یاں پھیر اُنج ہی چل رہیاں ہوون اوہناں دا ردعمل ہر حالت وچ اکو جنا تیز ہوندا ہے۔ امریکی سائنسدان پروفیسر مائیکل ڈکنسن موجب ایہدے نال مکھی دی دماغ دی تیزی تے گنجل دا پتہ لگدا ہے۔
اوہناں کہیا تجربیاں نال ایہہ وی ظاہر ہویا ہے جو مکھیاں ایہہ گل وی جان جاندیاں ہین جودھاڑے دی صورت وچ اوہناں نوں کنی جسمانی حرکت دی لوڑ ہووے گی۔
