کینیڈا وچ ہوون والی اک کاہڈ وچ ایہہ گل پتہ لگی ہے کہ پلاسٹک دیاں بنیاں ہوئیاں بوتلاں دماغ لئی زہر ہو سکدیاں نیں۔ پلاسٹک دیاں بوتلاں جیہناں وچ کئی طرحاں دیاں کھاون دیاں شیواں رکھیاں جاندیاں ہین نوں بناؤن لئی بسفنول اے ناں دا کیمیکل ورتیا جاندا ہے جیہدے نال دماغ دے کئی کم رُک سکدے نیں جیہناں وچ سکھن دا عمل تے چیتے رکھن دا عمل وی رلتی نیں۔
کاہڈ کڈھن والے سائنسداناں نے ایس ڈر دا وی وکھالا کیتا ہے کہ پلاسٹک دیاں بوتلاں دی ورتوں نال نیندر نہ آؤن دی بیماری تے ذہنی دباء وی ودھ سکدا ہے۔ بسفنول عالمی پدھر تے پلاسٹک دیاں پانی دیاں بوتلاں، بالاں دے کھانے رکھن دیاں بوتلاں اتے ہور کھاون پیون دیاں وستاں پیک کرن والیاں پلاسٹک دیاں بوتلاں تے ڈبیاں وچ ورتیا جاندا ہے۔
سائنسداناں دا آکھنا ہے کہ جدوں کھاون پیون دیاں شیواں اہناں پلاسٹک دیاں بوتلاں وچ رکھیاں جاندیاں نیں تے بسفنول اہناں کھاون پیون دیاں شیواں وچ وی رل جاندا ہے۔ جدوں ایہہ شیواں کھاہدیاں پیتیاں جاندیاں نیں تے ایہہ مادہ بندے دے اندر چلا جاندا ہے تے اوس نظام تے سٹ ماردا ہے جیہدے نال بندہ گلاں نوں سمجھدا تے چیتے رکھدا ہے۔
