بین الاقوامی کاہڈواں دی اک ٹیم نے مرداں وچ چھیتی گنجے پن دے خطرے نوں ست گنا ودھاون والی جینز لبھیاں ہین۔ پنج ہزار بندیاں دے ڈی این دے تے کاہڈ نال ایہہ پتہ لگیا ہے جو گنج پنے نال دو طرحاں دیاں جینز دا تعلق ہوندا ہے۔ نیچر جریدے موجب ستاں وچوں اک بندے وچ جینز دیاں ایہہ دوہویں قسماں ہوندیاں ہین۔
کاہڈواں نے کہیا ہے جو ایس گل دا گویڑ لا لین نال کہ وال چھیتی جھڑ سکدے ہین اوہناں دے علاج ولوں ترقی وچ مدد ملے گی۔ مرداں وچ گنج پنے نوں موروثی آکھیا جاندا ہے تے ایہدا تعلق سیکس ہارمونز نال وی دسیا جاندا ہے۔ بریڈ فورڈ یونیورسٹی دے سینٹر فار سکن سائنسز دی پروفیسر وال رینڈال دا کہنا ہے جو ایہہ کاہڈ بوہت زبردست ہے، بھاویں ایہدے تے بحث کیتی جاسکدی ہے کہ مرداں نوں وال جھڑن دے ڈر ولوں جان کے کوئی فیدا ہووےگا۔'
پر اوہناں کہیا والاں نوں جھڑن توں ڈکنا والاں نوں پھیر لاون توں ہمیش سوکھا ہے۔
