اک جہاز جیہڑا کار دے تیل نال چلدا ہے تے 1400 کلومیٹر دی اڈاری مار سکدا ہے تے اک گھنٹے وچ 245 کلومیٹر دا پینڈا کردا ہے۔ لگدا ہے ناں کہ بندہ مخول کر رہیا۔
جمہوریہ چیک دی اک کمپنی نے ایہو جہیا اک جہاز بنایا ہے جیہدا ناں UL-JIH رکھیا گیا ہے۔ 450 کلو دا ایہہ دو سیٹاں والا جہاز اک گھنٹہ اُڈن لئی کار دا 15 لٹر پیٹرول ورتدا ہے۔ کمپنی دے مینجنگ ڈائریکٹر دا آکھنا ہے کہ تسیں ایس جہاز وچ کسے وپار لئی گل بات کرن جاؤ بھاویں سیر سپاٹا کرن۔ ایہدے وچ تہانوں لیموزین کار والا سواد ملے گا۔
