جے تہاڈا وچار ہے کہ گھراڑے صحت لئی چنگے نہیں ہوندے تے اپنی وچار تے فیر جھات پا لوو کیوں جو اک نویں کھوج موجب گھراڑے مارن نال تسیں لما چر جی سکدے ہو اچیچا جے تہاڈی عمر وی بوہتی ہو گئی ہے تے۔
اسرائیل وچ ہوون والی کھوج وچ پتہ لگا ہے کہ 65 ورھیاں توں ودھ عمر دے لوک جیہڑے گھراڑے ماردے نیں اوہناں دی حیاتی اوہناں بُڈھیاں نالوں لمی ہوندی ہے جیہڑے سُتے پئے گھراڑے نہیں ماردے۔
کھوجیاں موجب گھراڑے بُڈھیاں دے ساہ دے نظام نوں چنگا کردے ہین تے پنڈے نوں آکسیجن پچاؤندے ہین۔ کھوج دا ایہہ سٹہ وی نکلیا ہے کہ گھراڑے مارن دا اثر بُڈھیاں تے گبھرواں تے اکو جہیا نہیں سگوں وکھو وکھ ہوندا ہے۔
