نیانیاں دے کھان وچ لون گھٹ ورتن مٹھا تے بوتلاں کدی کدی ورتن نال جتھے موٹاپے توں جان چھٹ سکدی ہے اوتھے ودھدی عمر وچ دل دے دورے دا امکان وی گھٹ جاندا ہے۔ اک کاہڈ وچ کہیا گیا ہے جے تسیں اپنے نیانے نوں موٹاپے توں بچاونا چاہندے او تے اوہدی خوراک وچ لون گھٹا دیو۔ انج مٹھیاں بوتلاں بوہتا پین نال وی نیانے موٹے ہوجاندے ہین جیہڑا جوانی وچ اوہناں دی صحت لئی کئی مسئلے بناوندا ہے۔
سائنس داناں آکھیا ہے جے نیانیاں دیاں عمراں چار توں اٹھاراں ورھیاں وچکار ہین تے اوہناں دی روزانہ دی خوراک وچ لون ادھا کر دیوو تے دو واری بوتل پین دی اجازت دیو۔ سائنس داناں نے گل کھولی ہے کہ جیویں بوہتا لون کھاہدا جاندا ہے اونی ہی مٹھے دی طلب بوہتی ہوندی ہے۔ انج دوہواں شیواں دی بہتی ورتوں بھار وچ وادھے دا کارن بن دی ہے۔
اک گویڑ موجب خوراک وچ روز اک گرام لون گھٹ دیون دا مطلب سو گرام مٹھی بوتل نہ پینا ہے۔ امریکن ہارٹ ایسوسی ایشن موجب اک صحت مند جوان بندے لئی دن وچ اک چاء دی چمچے برابر لون لینا بوہت ہے۔ برطانیہ وچ پراسسڈ فوڈ جیویں کہ ٹماٹر ساس، سوپ یاں یخنیاں تے بند ڈبیاں وچ کھانیاں وچ لون 75 فیصد ہوندا ہے۔
