ہسپانوی کاہڈواں موجب نویں دور دے ڈیٹرجنٹ دی مدد نال مجرم قتل دے ثبوتاں نوں مٹا سکدے ہین تاں جو فورینسک ٹیسٹ وچ کوئی پتہ لگ سکے۔ یونیورسٹی آف ویلنشیا دی ٹیم نے پتہ لایا ہے جو کلورین ورتن دے تھاں نویں واشنگ پاؤڈر تے دوجے کیمیکل جیہڑے آکسیجن پیدا کردے ہین ہوموگلوبن دے نشاناں نوں مٹا دیندے ہین۔
ہومو گلوبن لہو دے وچ اک انج دا پروٹین ہوندا ہے جیہڑا پورے جسم وچ آکسیجن اپڑاؤندا ہے۔ پلس لہو دے نشاناں نوں مجرم یاں جرم دے نال جوڑ دی ہے۔ دس دھوائیاں توں مگروں وی فورینسک ٹیم لہو دے نشاناں دی نشاندہی کرن وچ کامیاب ہو جاندی ہے تے اہنوں جانن لئی چوکھے کیمیکل ورت دے ہین تاں جو داغ توں پردہ ہٹایا جا سکے۔
'' جرمن جرنل '' وچ چھپن والی رپورٹ موجب ایس نویں ڈیٹرجنٹ وچ سوڈیم کاربونیٹ پر آکسائڈیٹ رلتی ہوندا ہے تے آکسیجن دے بلبلے خون دے دھبیاں نوں مٹا دیندے ہین۔ یونیورسٹی آف ویلنشیا دے دورینسک سائنسدان فرنینڈ و ورڈو دا کہنا سی جو ساڈی ٹیم دے تن ممبر ہن ایہہ ویکھن گے جو کیہہ ایہہ نواں آکسیجن بناون والا جز ڈی این اے نوں وی برباد کرسکدا ہے جیہدی مدد نال سونہہ کڈھن وچ مدد ملدی ہے۔ روڈ دا کہنا سی جو بوہت سارے مجرم اینے چالاک نہیں ہوندے۔ جرم کرنا بوہت سوکھا ہے پر نہ پھڑے جاونا بوہت اوکھا ہے۔
