دوجے ویاہ لئی پیو نے 7سالاں دی دھی نوں وٹے سٹے وچ ویاہ دتا
وچار ڈیسک
June 28th, 2009
کراچی وچ اک بندے نے دوجے ویاہ لئی اپنی ست سالاں دی معصوم دھی نوں وٹے سٹے وچ ویاہ دتا۔ جیو نیوز دے نمائندے موجب اک بندے نے ویاہی وری زنانی نال دوجا ویاہ کروان لئی اپنی دھی نوں داء تے لا دتا تے وٹے سٹے وچ اوہدا ویاہ کر دتا۔
علاقہ ناظم کڑی تے اوہدے ماپیاں نوں لے کے تھانے اپڑ گیا جیہدے مگروں پلس نے کڑی تے اوہدے ماپیاں نوں پھڑیا ہویا ہے پر کوئی پرچہ درج نہیں کیتا گیا۔ کڑی نے دسیا پئی مینوں نہیں پتہ ویاہ کیہ ہوندا ہے پر میرا ویاہ ہو گیا ہے۔ اوہدا کہنا سی پئی قاضی نے ایہدے کولوں تن واری ہاں اکھوان نوں کہیا تے میرا نکاح ہو گیا۔
