پاکستان دے گذریل وزیر اعظم ذوالفقار علی بھٹو دی پوتری تے مرتضیٰ بھٹو دی پنجھی ورھیاں دی دھی فاطمہ بھٹو نوں چاہونداں ولوں ای میلاں دا ہڑ آ گیا ہے تے کجھ چاہونداں نے اوہناں نوں ویاہ کرن دی وی آفر کیتی ہے۔
فاطمہ بھٹو انگریزی اخباراں لئی وی کالم لکھدیاں ہین۔ اوہناں نے آکھیا جدوں میں کالم لکھنا شروع کیتا تے میں اپنے آرٹیکلز دے تھلے اپنا ای میل ایڈریس وی لکھن دا فیصلہ کیتا۔ اوہناں نے آکھیا کہ ایہہ ای میل ایڈریس صرف ایس کالم لئی نہیں سگوں میرا کلا ای میل ایڈریس ہے پر مینوں ون سونیاں غیر ضروری ای میلاں ملدیاں ہین تے کجھ میلاں وچ میرے توں موبائل نمبر وی منگیا جاندا ہے تے یاری لاؤن نوں آکھیا جاندا ہے تے ویاہ دی آفر وی کیتی جاندی ہے۔ اوہناں نے آکھیا کہ میرا تعلق بھٹو خاندان نال ہے پر میں اک فرد آں ٹبر نہیں۔
