اقوام متحدہ دیاں رپورٹاں موجب ہر سال ساری دنیا وچ پنج ہزار زنانیاں، غیرت دے ناں تے اپنے گھر والیاں کولوں مر دیاں ہین ۔ انج دے واقعے بوہتے مشرق وسطیٰ، جنوبی ایشیا تے دکھنی افریقہ ورگے روایتی وسیباں وچ ہندے ہین پر اکا دکا انج دے واقعے لہندے وچ وی ہندے ہین۔
پاکستان دے صوبہ سندھ تے پنجاب دے جنوبی ضلعیاں وچ غیرت دے ناں تے قتل دے واقعے عام ہین تے حکومت دے تعزیری کماں توں مگروں وی ایس وچ کوئی کمی ویکھن وچ نہیں آئی۔
سماجیات دے ماہراں دا آکھنا ہے کہ قبائلی دور دی ایس پرانی تے بھیڑی ریت نوں مُکاون لئی حکومتی پدھر تے سخت کاروائیاں دے نال نال اوہناں علاقیاں وچ تعلیم دیاں سوکھتاں وچ وادھے تے روزگار دیون دی لوڑ ہے۔ ایس توںوکھ سماجی کارکناں نوں لوکاں وچ شعور اُگیڑن لئی اپنا کردار ادا کرنا چاہی دا ۔ وسیبی نظام وچ مڈھلیاں بدلیاں لیا کے ہی غیرت دے ناں تے قتل دے واقعے گھٹائے جاسکدے ہین۔
