Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> عورت سنسار >> بی بی سی : دس وچوں چھ مرد اپنی بیوی یا بیلانی نوں کُٹدے نیں

بی بی سی : دس وچوں چھ مرد اپنی بیوی یا بیلانی نوں کُٹدے نیں

وچار ڈیسک
November 11th, 2014

اقوام متحدہ دی اک رپورٹ موجب بھارت وچ ہر دساں وچوں چھ جنے اپنی تیویں یا فیر بیلانی نال مار کُٹ کردے نیں۔
اقوام متحدہ دے ورلڈ پاپولیشن فنڈ تے واسنگٹن وچ واقع انٹرنیشنل سینٹر فار ریسرچ آن وویمن دی اک سانجھی کھوج موجب دساں وچوں چھ بھارتی مرداں نے ایس حقیقت نوں منیا اے۔
ایس کھوج دوراج بھارت دیاں ست ریاتاں وچوں 18 توں 49 سال دی عمر دے 9205 مرد شامل ہوئے۔
ایس رپورٹ وچ ایہہ ساہمنے آیا کہ جیہناں مرداں نے اپنے بچپن وچ تعصب دا ساہمنا کیتا سی یا فیر جیہناں نوں مالی مسائل دا ساہمنا کرنا پیا اوہ سوانیاں اُتے تشدد کردے نیں۔
ایس کھوج وچ بھارت دی ریاست اُتر پردیش، راجستھان، پنجاب، ہریانہ، اوڑیسہ، مدھیہ پردیش تے مہا راشٹر نوں شامل کیتا گیا اے۔
بھارت وچ جرماں دا ریکارڈ رکھن والے ادارے موجب سال 2013ء وچ ہندوستان وچ سوانیاں بارے جنے وی جرم ہوئے ایہناں وچوں 38 فیصد سوانیاں اپنے شوہراں تے ایہناں دے رشتے داراں دی بے رحمی دا شکار ہوئیاں۔
ایس توں اڈ سوانیاں دی وڈی گنتری نے گھریلو مار کٹ بارے پُلس نوں شکایتاں نہیں کردیاں۔
ایس کھوج وچ تن ہزار اک سو 58 سوانیاں نے رلت کیتی تے اوہناں وچوں ادھیاں توں ودھ نے منیا کہ اوہنوں مار کُٹ دا نشانہ بننا پیندا اے
ایہناں سوانیاں نوں بہتا تے جسمانی تشدد، جیہدے وچ چپیڑ مارنا، دھمکانا، گلا دبانا تے ساڑن دا ساہمنا کرنا پیندا اے۔
رپورٹ موجب سوانیاں نوں ایس توں اڈ جذباتی، جنسی تے معاشی تشدد دا وی نشانہ بنانا پیندا اے۔
کھوج وچ رلیاں سوانیاں مطابق ایہہ اک عام جیہی گل اے۔
بھارت وچ 2003ء وچ گھریلو تشدد دے 50703 کیس رپورٹ ہوئے سن جیہڑے کہ 2013 وچ ودھ کے 118866 تک پہنچ گئے نیں جیہڑے دس ورھیاں وچوں 134 فیصد ودھ اے۔


Share |


 

Depacco.com


 

 

Your Name:
Your E-mail:
Subject:
Comments:


Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels