بوہتیاں کڑیاں سمجھدیاں نیں اوہناں نوں جنسی روگ دا کوئی خطرہ نہیں ہے۔
اک پڑچول موجب ہر چار چوں اک امریکن کُڑی جنسی روگی ہے۔امریکا دے سینٹر فار ڈزیز کنٹرول (سی ڈی سی) نے اک اجیہی پڑچول وچ کیہا اے پئی جنسی طور تے روگی کڑیاں وچ کالیاں دی گنتری بوہتی ہے۔
ایس پڑچول واسطے مُلک بھر توں 14 توں 19 ورہیاں دیاں 838 کُڑیاں تے کاہڈ کیتی گئی تاں اوہناں وچ بچے دانیاں دے کینسر دا موجب بنن والا وائرس " ایچ پی وی" لبھیا ایس دے مگروں کلیمڈیم، ٹائیکومینائسس سی۔
سی ڈی سی دا آکھنا ہے اجیہی پڑچول پہلی وار کیتی گئی اے پر جنسی روگ دیاں شکار کڑُیاں دی گنتری بوہت ودھ ہے۔
اک ہور گویڑ موجب لگ بھگ ادھیاں افریقن امریکی کڑیاں چوں گھٹو گھٹ ہر اک کڑی جنسی روگی ہے جد کہ گوریاں تے میکسیکن امریکی کڑیاں وچ ایہہ 20 فیصدی دے نیڑے تیڑے ہے۔کاہڈ توں پتہ لگا اے پئی لگ بھگ 18 فیصد کڑیاں ایچ پی وی دا شکار ہین۔
بچے دانی دا ٹیکہ 11-12 ورہیاں دی عمر وچ لاون دی صلاح دتی جاندی اے۔
سی ڈی سی دے ڈیوڈ فوٹن کا کہنا اے کہ ایہہ اک گُجھا مسئلہ ہے کیونجے ایہناں روگاں پاروں کڑیاں وچ بانجھ پن تے بچے دانی دے کینسر دیاں اوکڑاں ای ہو سکدی ہین۔ اوہناں آکھیا پئی" ناجائز سانگے بناون والیاں مٹیاراں دی مسلسل جانچ، ٹیکے تے بچاء دے دوجے اُپرالے ای سبھ توں ودھیا علاج ہین۔
سی ڈی سی نے دسیا اے پئی کلومیڈیا لئی 25 ورہے توں گھٹ عمر دیاں ساریاں کڑیاں دی وار وار پرکھ ہونی چاہیدی اے جد کہ ایچ پی وی توں بچاء لئی 12-11 ورہے دی عمر وچ کڑیاں نوں ٹیکے لائے جانے چاہیدے نیں تے مگروں اک بُوسٹر ٹیکہ وی لگوانا چاہیدا ہے۔
سی ڈی سی دے جنسی روگی شعبے دے مُکھی ڈان ڈگلس دا کہنا جے پئی کُڑیاں ایہناں روگاں دا معائنہ نہیں کرواندیاں نیں کیونجے اوہناں نوں جاپدااے کہ اوہناں نوں کوئی خطرہ نہیں ہے۔
کاہڈھواں دا کہنا جے کہ ڈاکٹر وی ایہناں روگا دی پڑچول نہیں کردے کیونجے ایہناں دے سِٹے سرپرستاں نوں دسنے پین گے تے انج مریض دی پرائیویسی متاثر ہو سکدی ہے۔
