مہمندایجنسی وچ مرد عورت دا سنگسار، وفاقی وزیر قنون نے نوٹس لے لیا

وفاقی وزیر قنون تے انصاف فاروق ایچ نائیک نے مہمند ایجنسی وچ مرد تے عورت نوں سنگسار کرن تے اوہناں دیاں لوتھاں جنگل وچ سُٹن دے واقعے دا سخت نوٹس لیندیاں ہوئیاں متعلقہ حکام نوں ملزماں دے خلاف کاروائی دی ہدایت دتی ہے تے آکھیا ہے جو حکومت کسے وی قنون نوں ہتھ وچ نہیں لین دیوے گی تے قنون دی خلاف ورزی کرن والا کوئی وی ہووے اوہنوں قنون موجب سزا دتی جاوے گی۔

اوہناں نے ایہہ ہدایت میڈیا دی ایس خبر تے جاری کیتی جیس موجب صوبہ سرحد دے علاقے نوشہرہ توں اک مرد تے زنانی نوں پھڑیا گیا تے عسکریت پسنداں دے اک قاضی ولوں مہمند ایجنسی وچ اہناں دوہواں نوں سنگسار کردتا گیا تے اوہناں دیاں لوتھاں مگروں جنگل وچ سُٹ دتیاں گئیاں۔