پاکستان وچ روشن خیالی دےی کھپ دا سبھ توں بوہتا لابھ زنانیاں نوں ہویا ہے۔ اج ملک دے کئی اداریاں وچ زنانیاں اُگھڑویاں نظر آؤندیاں نیں۔ اجوکی پارلیمنٹ وچ زنانیاں دی گنتی پچھلی پارلیمنٹ نالوں ودھ ہے۔ پچھلیاں چوناں وچ 76 دے نیڑے تیڑے زنانیاں قومی اسمبلی وچ آئیاں نیں۔
ہن بیوروکریسی وچ وی زنانیاں دی ہوند دا بھرواں احساس ہندا اے۔ ایس ورھے مقابلے دے امتحان راہیں 60 زنانیاں بیوروکریسی وچ رلتی ہوئیاں نیں۔ اج تیکر اینی وڈی گنتی وچ زنانیاں کسے ورھے وی بیوروکریسی دا انگ نہیں بنیاں۔ ایہدی مُڈھلی وجہ پبلک سروس کمیشن وچ زنانیاں لئی 10 فیصد کوٹے دا رکھیا جانا اے۔
پبلک سروس کمیشن دے اُچ پدھری افسراں دا وچار ہے کہ آؤندے ورھیاں وچ بیوروکریسی وچ زنانیاں دی گنتی 50 فیصدی ہو جاوے گی۔
