اغوا برائے تاوان راہیں چھیتی دولت مند بنن دا سفنا ویکھن والی معطل لالچن سٹیٹ ایجنٹ تئی سالاں دی امبرین گل نوں اپنے پچھلے باس نوں اغوا تے مارا مار دے جرم وچ دس سال جیل دی سزا بولی۔ تئی سالاں دی امبرین گل فرم وچوں کڈے جاون تے غصے وچ سی اوہنے آپنا منصوبہ پورا کرن لئی اک پچھلے سنگی تے دوہواں ٹھگاں نوں نال رلایا۔ امبرین نے اپنے پچھلے باس وقاص ملک نوں لالچ دے کے اپنے فلیٹ تے سدیا جتھے اوہنے اپنے ساتھیاں دی مدد نال بزنس تے تشدد کیتا ، مگس تے پستول مارے۔ ست گھنٹے اہناں ملزماں وچوں اک اوہدے سر تے کھلوتا رہیا تے اک نے تڑھی لائی جے دو لکھ پونڈ تاوان نہ دتا گیا تے اوہ تے اوہدا تیراں سالاں دا پتر جیوندے نہیں رہن گے تے اوہ اپنی فیملی دی شکل نہیں ویکھ سکے گا۔ اوہدی گھر والی نوں وار وار فون کیتے گئے جو اوہ رقم دا پربندھ کرے۔
وقاص ملک نوں سکون والی دوائی دتی گئی، پر چھیتی امیر بنن دا ایہہ منصوبہ اُس ویلے چوڑ ہو گیا جدوں اڑتالی سالاں دا ایجنٹ بیمار پے گیا۔ لندن دے ساؤتھ وارک کراؤن کورٹ نوں دسیا گیا ایس صورت حال تے امبرین گل کالھی نال غصے وچ آگئی تے پریشان ہو گئی اپنے جرم نوں لکاون دی کوشش وچ حکم دتا جو وقاص ملک نوں جیس دے جسم وچوں خون رس رہیا سی نوں اکھاں تے پٹی بنھ کے آفس چیئر تے بٹھا کے اُڈیک وچ کھڑی گڈی وچ پا دتا تے ایہہ ٹولا اوہنوں بے سرت نوں اوہدے گھر لے گیا اوتھے گل نے اوہدی گھر والی نوں کہیا اوہ نشے وچ سی تے اوہدے نال جنسی زیادتی کیتی۔
جدوں اوہنوں ہسپتال کھڑیا گیا تے ڈاکٹراں دے معائنے نوں پتہ لگیا اوہدے سر تے چہرے تے کٹ تے رگڑاں ہین۔ ٹیپ نال ہتھ بنھن کارن اوہدیاں بانہواں تے وی نشان پے گئے سی۔ ہیر سٹریٹ دی امبرین گل دے نال ویمنکٹن گارڈنر پارکنگ ایسکس دے اٹھاراں سالاں دے مقصود علی نوں ست سال نو مہینے ویسٹ روڈ رائیو پارکنگ دے اِ کی سالاں دے قاسم احمد نوں اٹھ سال قید تے سر بیٹن سرے دے ویہہ سالاں دے شکیب چودھری نوں ساڈھے اٹھ سال قید دی سزا بولی۔ چواں مجرماں نوں پچھلے سال ستاراں توں دو جون تیکر اک تاجر نوں اغوا بلیک میل کرن جعلی آتشیں اسلحہ رکھن تے زہریلا مواد دیون دے جرماں وچ سزاواں سنائیاں گئیاں۔
