سائنسی کھوجیاں دی اک نویں کاہڈ موجب جیہڑیاں کُڑیاں تے جوان مٹیاراں بوہتا ویلا انٹرنیٹ تے بیٹھیاں رہندیاں نیں، تھوڑا سوندیاں نیں یا فیر روز شراب پیندیاں نے اوہ موٹیاں ہو جاندیاں نیں۔
کھوجیاں نے 14 توں 21 ورھیاں دیاں 5000 کڑیاں بارے اک سال وچ کھوج کیتی تے ایہہ سٹا کڈھیا ہے کہ کڑیاں جنا بوہتا ویلا انٹرنیٹ تے لنگھاؤندیاں ہین اوہناں دا پنڈا اونا ای بوہتا پُھلدا اے۔ ایہو اثر اوہناں کڑیاں وچ وی ویکھیا گیا جیہڑیاں بوہتی شراب پیندیاں یاں گھٹ سوندیاں نیں۔
کھوج وچ 5036 کڑیاں کولوں سوال پچھے گئے تے کھوجیاں نے سٹا کڈھیا کہ جیویں جیویں انٹرنیٹ دی ورتوں ودھدی ہے نال ای بھار وی ودھدا ہے۔ ایہہ گل اچیچے طور تے اٹھاراں ورھیاں توں گھٹ عمر دیاں کڑیاں وچ بوہتی ویکھن وچ آئی ہے۔
