پیو تے بھرا نے عدالت دے باہر کُڑی نوں گولی مار دتی
وچار ڈیسک
September 4th, 2008
کل بدھ دے دیہاڑے ساہیوال ضلع کچہری وچ جج ندیم شوکت دی عدالت دے باہر ستاراں ورھیاں دی اک کڑی نوں اوہدے پیو تے بھرا نے گولی مار کے قتل کر دتا۔
تھانہ کمیر دی نصرت بی بی سیشن کورٹ وچ ویاہ تڑوان لئی پیشی تے آئی ہوئی سی۔ کڑی دا ویاہ 2001 وچ کروایا گیا سی جدوں اوہ حالے 9 ورھیاں دی سی۔ کڑی نے ایہہ ویاہ تڑوان لئی عدالت وچ عرضی دتی ہوئی سی تے عدالت نے کڑی دے حق وچ فیصلہ وی دے دتا سی۔ کڑی دی پیو تے بھرا ایس گل تے راضی نہیں سن۔ کل جدوں کڑی عدالت وچ بیان دے کے نکلی تے اوہدے بھرا نے باہر نکلدیاں ای گولیاں مار کے کڑی نوں قتل کر دتا۔
