اجتماعی زیادتی دے ملزم ولوں کڑی نوں جانوں مارن دی تڑھی

منڈی بہاوالدین وچ ایف ایس سی دی یتیم پڑھیار نوں اجتماعی زیادتی توں مگروں تیزاب نال مونہہ ساڑن دے مقدمہ دا مرکزی ملزم باراں دیہاڑ لنگھن توں مگروں وی حالی تیکر پھڑیا نہیں گیا ملزم نے کڑی نوں جانوں مارن دی تڑھی لائی۔ تھانہ صدر منڈی بہاوالدین دے علاقہ چک بساوا توں باراں دیہاڑ پہلوں اغوا ہوون والی یتیم پڑھیار نے پمز ہسپتال وچ جیو نیوز نال گل بات کردیاں ہویاں دسیا کہ کہ ملزم آپے ہی الزام لا رہے ہین جیہڑے اُکا غلط ہین۔

مرکزی ملزم مظہر ہسپتال وچ وی ویکھیا گیا ہے میرے بھتیجے مرتضیٰ نے اوہدا پچھا وی کیتا پر اوہ نس گیا پڑھیار کڑی موجب ملزم جانوں مارن دیاں تڑھیاں لارہیا ہے کڑی دے دے بھتیجے مرتضیٰ نے دسیا کہ اوہ ہسپتال وچ دو واری ویکھیا گیا ہے جیس تے ہسپتال پربندھیاں تے مقامی پلس نوں ملزم دیاں تصویراں دے دتیاں ہین ۔

دوجے پاسے تھانہ صدر منڈی بہاؤالدین دے ڈی ایس پی طاہر نواز وڑائچ نے دسیا کہ مقدمہ دے مرکزی ملزم دی گرفتاری لئی کئی ٹیماں کم کر رہیاں ہین ملزم چھیتی پھڑیا جاوے گا کڑی نوں جانوں مارن دی تڑھی بارے ڈی ایس پی دا کہنا سی ایہہ گل سانوں نہیں پتہ کہ کدوں ملزم ہسپتال آیا تے کدوں تڑھی لائی۔