راجن پور: 2 سگیاں بھیناں سنے 3 زنانیاں غیرت دے ناں تے قتل
وچار ڈیسک
October 6th, 2008
ضلع راجن پور وچ بھراواں نے غیرت دے ناں تے اپنیاں بھیناں نوں قتل کر کے لوتھاں دریائے سندھ وچ روڑھ دتیاں۔ ملزماں نوں پھڑ لیا گیا ہے۔
ڈی ایس پی روجھان نے دسیا کہ ضلع راجن پور دی تحصیل روجھان دی بستی سنجرانی وچ دو وکھ وکھ وقوعیاں وچ میمو مائی تے حکیماں بی بی نوں کاری متھ کے اوہناں دے بھرواں نے قتل کر کے اوہناں دے بھرواں نے لوتھاں سندھ دریا وچ روڑھ دتیاں۔ پولیس نے ملزماں نوں پھڑ کے پچھ پرتیت شروع کر دتی ہے۔
دوجے پاسے تحصیل روجھان دی بستی لالانی وچ وہ تیہہ ورھیاں دی رحیماں بی بی نوں اوہدے کھسم دے دو بھتیجیاں نے فائرنگ کر کے قتل کر دتا۔ وقوعے دا مقدمہ درج کر کے پچھ پرتیت شروع کر دتی گئی ہے۔
