مینگورہ شہر دی چینہ مارکیٹ وچ زنانیاں دے وڑھن تے روک لا دتی گئی ہے۔ ایس سلسلے وچ زنانیاں نوں ہدایت کیتی گئی ہے جو اوہ خریداری دے سلسلے وچ اپنے خاوند، بھرا، نوں مارکیٹ گھلیا کرن جدوں کہ آپوں آون دی کوئی لوڑ نہیں۔ دسیا گیا ہے جو ایہہ روک مینگورہ پلس سٹیشن تے دھاڑے توں مگروں لائی گئی ہے۔ طالبان نے کئی وار چینہ مارکیٹ دے وپاریاں نوں خبردار کر دتا سی جو اوہ زنانیاں نوں ہٹیاں وچ بیہن یاں خریداری توں روک لین نہیں تاں اوہناں دیاں ہٹیاں نوں وی اڈا دتا جاوے گا۔
