مارا مار دا شکار زنانیاں نوں اپنے خاونداں نوں پھینٹی لاون دا حق ہے:سعودی عالم دین دا فتویٰ

انسانی حقاں دے قومی ادارے نے کہیا ہے جو سعودی عرب وچ خاونداں تے مارا مار دے جرم ودھ رہے ہین۔ ایس توں رکن شوریٰ تے ملک دے وڈے عالم دین عبدالمحسن نے فتویٰ دتا ہے جو مارا مار دا شکار زنانیاں نوں اپنے خاونداں نوں پھینٹی لاون دا پورا حق ہے۔ انسانی حقاں دے ادارے وچ عائلی کمیٹی دے چیئر مین نے دسیا کہ سعودی عرب وچ مرداں تے مارا مار دے جرم ودھ رہے ہین۔ زنانیاں ولوں خاونداں نوں ڈراون دے واقعے وی ریکارڈ تے آرہے ہین۔خاوند تے بیوی وچکار عمر دا فرق وی ایہدے کارناں وچوں اک ہے۔ اک قومی سروے وچ ایہہ گل کھلی ہے جو تریہہ فیصد عرب بیگماں اپنے خاونداں نوں پھینٹی لا رہیاں ہین۔