صومالیہ :سنگسار کیتی جاون والی کڑی 13 ورہیاں دی سی: ایمنسٹی
وچار ڈیسک
November 2nd, 2008
انسانی حقاں دی ستھ نے کہیا ہے جو صومالیہ دی جیہڑی زنانی نوں زنا دے الزام وچ سنگسار کیتا گیا سی اوہ حقیقت وچ تیراں ورہیاں دی اک انج دی کڑی سی جیہدی عزت لٹی گئی سی۔ صومالیہ دے جنوبی شہر کسمایو وچ عینی شاہداں دا کہنا ہے عائشہ ابراہیم دہولو نوں پچھلے پیر نوں پتھر مار مار کے مار دتا گیا سی۔
ایس توں پہلوں اک اسلامی عدالت نے اوہنوں زنا دا گناہی آکھیا سی۔ صحافیاں نے پہلوں عائشہ دی عمر تئی سال دسی سی پر ایمنسٹی انٹرنیشنل دا کہنا ہے جو اوہناں نے منیا ہے جو اوہناں نے عمر دا غلط گویڑ لایا سی۔ ایمنسٹی نے ایہہ وی کہیا ہے جو عائشہ نے جدوں اک مقامی ملیشیا نوں دسیا کہ تناں بندیاں نے اوہدے تے جنسی تشدد کیتا ہے، تے اوہدے مگروں اوہدے تے زنا دا الزام لایا گیا۔
