تن ورھیاں وچ 1019 زنانیاں عزت دے ناں تے قتل ہوئیاں
وچار ڈیسک
November 14th, 2008
جمعرات دے دیہاڑے قومی اسمبلی وچ حکومت ولوں دسیا گیا ہے کہ ورھے 2005 اتے 2007 دے وچکارجبر زنا اتے زنانیاں دے قتل دے 7000 مقدمے درج ہوئے۔ اہناں دے نال ای عزت دے ناں تے قتل دے 1019 مقدمے درج ہوئے۔
اسمبلی وچ پیش کیتے جاون والے آنکڑیاں موجب عزت دے ناں تے قتل ہوون والیاں زنانیاں دی کل گنتی 1019 سی جیہناں وچوں 2005 وچ 321 ، 2006 وچ 339 اتے 2007 وچ 10 مقدمے درج ہوئے۔
ایسے طرحاں اہناں ورھیاں وچکار جبر زنا دے 4971 مقدمے درج ہوئے۔ ملک وچ گھروکی مارا ماری دے 4290 مقدمے درج ہوئے۔ جیہڑے تیزاب پا کے ساڑن، عزت دے ناں تے قتل اتے چلہے پاٹن توں وکھرے نیں۔ آنکڑیاں موجب تیزاب پا کے ساڑن دے 53 مقدمے درج ہوئے۔
