English Wichaar Wichaar Books ਗੁਰਮੁਖੀ ਵਿਚਾਰ हिंदी विचार سندھی وچار کتاباں کلاسک پرانا وچار وچار پڑھن لئی فونٹ ڈاؤن لوڈ کرو
مُڈھلا ورقہ >> شاہ مُکھی وچار >> کھٹیاں مٹھیاں >> مہنگائی دا مہینہ
تاجر دی روزی دا مہینہ آیا اے مہنگائی تے لوٹی میلہ لایا اے کھان پین دی ہر شے نوں اگ لگی اے منڈی وچ آڑھت دا مطلب ٹھگی اے مومن دے گل لالچ، لوبھ دی جھگی اے امبیاں اُتے کالی کوئل بگی اے سرگھیاں تے افطاریاں ٹل وگایا اے تاجر دی لوٹی دا مہینہ آیا اے دہی دے کونڈے مسکیناں تے ہسدے نیں دُدھ دے ناں تے چھپڑ دا بھا دسدے نیں کھان پین دے جال ،چ روزے پھسدے نیں پاکستان،چ کِنج دے لوکی وسدے نیں ایسے قسم دا دین ہی مُلا چاہیا اے تاجر دی ٹھگی دا مہینہ آیا اے پنج تارا افطاری ہالیڈے والی بندے دی بھُکھ ، ہو جاندی کھوتے والی اکھیں نوٹ کے کھا چُوری طوطے والی دوجی افطاری آ، فیر سوتے والی ہر پاسے ہی ڈھڈ دا مول سوایا اے تاجر دی لوٹی دا مہینہ آیا اے خورے اگلے سال نہ روزے آ سکن کھاون دے مینوں کُکڑ ، کُلچے تے مکھن ایسے ورھے توں مینوں سبھ کجھ دیہہ چکھن کھابیاں اُتوں لاہ کے رکھیا کر ڈھکن مال بناون دا ول رب سکھایا اے رحمت تے برکت دا مہینہ آیا اے
Site Best Viewd at 1024x768 Pixels
