Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> کھٹیاں مٹھیاں >> بولیاں

بولیاں

اعجاز
December 13th, 2013
3 / 5 (2 Votes)
بولیاں

اجے جنج نہ بوھے تے آئی
بھوگنا رنڈیپا پے گیا

اکھاں لاہ کے جاں کلی اتے ٹنگیاں،
کھیسے وچوں نیند ڈگ پئی

جتی پیر نوں میچ نہ آوے،
ماپے میرا مونہہ تکدے

ویری لٹ کےمحبتاں لے گئے،
بیلیاں چ کھیہہ اُڈ دی

اسیں رہ نہ اُڈاراں جوگے،
غرضاں نے پر کٹ لئے

دِینہ رو رو بُڈھڑا ہویا
ویڑھے وچ رات نہ لتھی

دُلے چھویاں لمب کرائیاں
فرنگیاں نوں راہ نہ لبھے

اکھاں بال کے جاں چانن کیتا
ہنیریاں دی بانہہ ٹُٹ گئی

ہس بول وے متھے وٹ پا نہیں
اساں کیہڑا روز آونا

گھنڈ کڈھ کے خیر نہ پائیے
جوگیاں دا دِل دُکھدا

اوہنوں ٹور کے شہر نوں آپے
پنڈ پنڈ لبھدی پھراں

تیری یاد دا جاں ریلا آیا
پانیاں چ نین رُڑھ گئے

اوہنے ہتھ کنکاں نوں لایا،
سٹیاں دے بھاگ جاگ پئے

ہتھ سوچ سمجھ کے پاویں
میں جمواں دے ٹہن ورگی

ماہی پیر جاں ویہڑے وچ پایا
انگ انگ چھنک پیا

ساڈا چت وی ٹھار دے
کھسماں وے سورجا ہاڑھ دیا

اجے پچھلے زخم نہ سیتے
نویاں دے مونہہ کھل گئے

Share |


 

Depacco.com


 

 

Your Name:
Your E-mail:
Subject:
Comments:


Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels