Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> کھٹیاں مٹھیاں >> سیاسی مٹھائیاں

سیاسی مٹھائیاں

وچار ڈیسک
April 11th, 2014
5 / 5 (1 Votes)

بھارت دیاں عام چوناں وچ سیاسی آگواں دی اک دوجے دے سخت نکتہ چینی نال بھاویں ماحول گرم ہووے تے سیاسی کارکناں وچ تلخی دا سماں ہووے، پر ریاست مغربی بنگال دے شہر کلکتہ وچ متھائی دک پرانی دکان اپنے خاص انداز نال ماحول وچ مٹھاس بھرن دی کوشش کر رہی اے۔
ایتھے چوناں دے سخت ماحول توں فائدہ چکن لئی اہم جماعتاں یعنی ترنمول، کانگریس، سی پی ایم تے بی جے پی دے چوناں دے نشاناں والی مٹھائیاں تیار کیتیاں جا رہیاں نیں۔
لڈو، برفی تے گلاب جامن دی ہر طرح’سندیش‘ بنگال دی مشہور مٹھائی اے۔ اج کل ایس دکان تے چار اہم جماعتاں دے چوناں دے نشان والی ایہہ مٹھائی (سندیش) گاہکاں نوں اپنے ول کھچ رہی اے تے خوب وِک رہی اے۔
ایہہ مٹھائی سستی نہیں اے۔ چوناں دے نشان والے اک سندیش دا مُل 115روپے اے۔ ایہنوں اج کل ’نرواچنی مشی‘ یعنی انتخابی مٹھائی دے ناں نال سدیا جاندا اے
شہر دے بھوانی پور علاقے وچ ایس ’بلرام ملک اینڈ رادھا رام ملک‘ دکان دے مالک پردیپ ملک دا کہنا اے: ’اسیں ہر پارٹی دے چوناں دے نشان والے سندیش بنائے نیں۔ ہر پارٹی دے کارکن تے حامی ایتھوں آرڈر دے کے پنجھی پنجاہ تے سو سندیش خرید رہے نیں۔‘
پر ایہناں نوں مٹھائی بناون دا خیال کس طرحاں آیا؟ دا جواب دیندے ہوئے ملک نے کہیا ’اسیں پچھلے جیہے اسمبلی چوناں دے وی مقامی جماعتاں دے انتخابی نشاناں والے سندیش بنائے سن۔تے اوہ کافی مشہور ہون دے نال نال وکے وی ۔ ایس لئی اسیں ہُن پارلیمانی چوناں دے موقعے تے وی ایہناں نوں تیار کرن دا فیصلہ کیتا۔‘
ایہناں داکہنا سی ’دُرگا پوجا تے کرسمس وانگ بنگال وچ چوناں وی کسے جشن توں گھٹ نہیں ایس لئی چوناں دے نشان والی مٹھائی بناون دا خیال آیا سی تے ہُن تے ایہہ آئیڈیا کافی ہٹ وی ہو گیا اے۔
مہنگی ہون دے باوجود مختلف جماعتاں دے حامیاں توں اڈ عام لوک وی ایہنوں خرید کے اپنے دوستان نوں ونڈ رہے نیں۔
شہر وچ ایس دکان دیاں پنج شاخاں نیں تے ایہناں سب تے چوناں دے نشاناں والیاں مٹھائیاں دی بہت منگ اے۔ مٹھائی بناون والے کاریگر مہندر دسدے نیں: ’روزانہ اسیں پنج سو توں اک ہزار پیس تک مٹھائی بنا رہے نیں۔ ترنمول کانگریس تے بی جی پی سمیت ساریاں جماعتاں دے لوگ خرید کے دوستاں تے رشتہ داراں نوں تحفے دے طور تے دے رہے نیں۔
معاملہ سندیش تک ای نہیں رہے گا، اگے کئی ہور منصوبے ہین۔ ملک ہوراں دسیا کہ اگے جیہڑی وی پارٹی جتے گی ایہدے چنویں نشان دی دی وکھو وکھ ڈئزاین دی مٹھائیاں تیار کیتیاں جاون گیاں۔ایہناں مٹھائیاں تے ایہناں اگوواں دی فوٹواں بنائیاں جاون گیاں۔ بالک ایسے طرحاں ، جسراں اوہ انتخابی چوناں دی شکل وچ تیار کیتی گئی اے۔


Share |


 

Depacco.com


 

 

Your Name:
Your E-mail:
Subject:
Comments:


Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels