Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> کھٹیاں مٹھیاں >> باباکُڑیاں توں پیار دی لِیڈ لیندا

باباکُڑیاں توں پیار دی لِیڈ لیندا

بشارت احمد بشارت، جرمنی
June 17th, 2014
5 / 5 (1 Votes)


انسانی زندگی 3 حصیاں اُتے مشتمل اے بچپن‘ جوانے تے بڈھاپا‘ عمر دا پہلا حصا لکھن پڑھن تے زندگی دے مختلف شعبیاں دا علم حاصل کر کجھ بندا ہوندا اے۔ دوجا حصا کم کرن دا تے جو پڑھیا تے سِکھیا اے اوہنوں استعمال کر کے ترقی کرن دا ہوندا اے تیجا حصا ریٹائر منٹ دا سمجھیا جاند اے۔ ایہدے علاوا اُنج تے انسان دے کئی روپ نیں پر مضمون دے لحاظ نال ایہدا تعلق عمر دے نال اے بندیاں وچ جویں بے بی، بچا‘ مُنڈا‘ نوجوان‘ بزرگ تے بابا وغیرہ اکثر لوک عمر دے نال نال اپنی اصلاح کردے نیں‘ اپنے گناہاں دی معافی منگ کے مالکِ کائنات توں اپنی بخشش دیاں دُعاواں کردے نیں ایس طرحاں اوہ اپنی بُڈھاپے دی زندگی نُوں خدا دا قرب حاصل کرن وچ صرف کردے نیں۔ کجھ اپنے پوری عمر دے تجربیاں توں نویں نسل دی اگوائی کردے نیں، کجھ ساری عمر وچ کجھ ساری عمر وچ جو چنگا سِکھیا‘ چنگا پڑھیا‘ چنگا کتیا تے چنگا محسوس کیتا اوہنوں کتاباں دی صورت وچ قلم بند کردے نیں تاں جے دوجے لوک تے آون والیاں نسلاں اوہدے توں مستفید ہو سکن۔ کجھ لوک ایہو جہے وی ہوندے نیں جہڑے پچھلی عمر وچ رفاہی کماں نُوں اپنی زندگی دا حصہ بنا لیندے نیں تے اوہدے وچ زندگی دا باقی حصا لنگھا دیندے نیں۔ کجھ ایہو جہے وی ہوندے نیں جہڑے بُڈھاپے دی عمر وچ بغیر معاوضے دے درس و تدیس دا سلسلہ درس و تدریس دا سلسلہ شروع کر لیندے نیں تے ایسے طرحاں سوسایٹی دے غریب‘ نادار تے کمزور طبقے دی بے غرض مدد کر کے اوہناں نُوں علم دی روشنی نال مالا مال کرن وچ قوم تے ملک دی خدمت کردے نیں کیوں جے کِسے قوم تے ملک دی ترقی لئی بنیادی شے علم اے جے کوئی قوم صحیح معنیاں وچ باعلم ہو جائے تے فیر اوہدی ترقی نُوں دُنیا دی کوئی طاقت نہیں روک سکدی۔ کجھ ایہو جہے وی ہوندے نیں جیہڑے زندگی دے آخری حصے وچ سکول، ہسپتال کھول کے خلقِ خدا دی خدمت کردے نیں۔ کجھ امراء ایہو جہے وی ہوندے نیں جہڑے خدا دی زمین دی سیر کردے نیں۔ ایہہ سارے شوق تے مصروفیات دے علاوہ بُڈھیاں دی اِک قسم ایہو جہی وی اے جہناں دیاں ساریاں دلچسپیاں عورت ذات نال جُڑیاں ہوندیاں نیں ایہناں وِچوں کئی شادیاں کر کے ایہ شوق پورا کردے نیں تے کئی دوستی راہیں اپنے ایس شوق دی تکمیل کردے نیں اوہناں نیڑے ایہدے وچ عمر دی کوئی قید نہیں۔ ایسے لئی تے کہیا اے
اَسی سالاں دا کھڑا ہو سڑک کنڈھے
بابا حسن دا شربت دیدار لیندا
سڑک لنگھن لئی ہتھ وچ ہتھ دے کے
بابا کْڑیاں توں پیار دی لیڈ لیندا

کئی ایہو جہے وی زندا دل بابے ویکھن وچ آئے نیں کہ مرن دے لاگے نیں تے ایمبولینس راہیں اوہناں نُوں ہسپتال وچ لے جایا گیا تے اوہ اوتھے وی اپنیاں روایتی حرکتاں توں باز نہ آندیاں ہویاں اوہناں وِچوں کوئی اِک تے جان کڈھن والے فرشتے نال وی اِنج مخاطب ہوندا اے۔
عزرائیلا نہ ہسپتال آویں
بابے نرساں دا ذرا دیدار کرنا
دھڑکن دل دی تیز وکھا کے تے
کسے اک نوں ویاہ لئی تیار کرنا

تے فیر کجھ بابے ایس میدان وچ نوجواناں اُتے اپنی برتری ثابت کردیاں ہویاں ایہ دلائل وی دیندے نیں۔
نواں نوں پرانا سو دن ہوندا
عشق بابیاں دا وانگر جِن ہوندا
چنبڑ جاوے تے فیر پچھا چھڈ دا نہیں
چڑی سون دی وانگ کِن مِن ہوندا

کدی کدی ایہو جہے بابے اپنے تجربات تے اپنی مہارت نُوں کجھ ایس طرحاں وی بیان کردے نیں
کچی ڈور نال مْنڈے چڑھا گڈی
ہر اک توں روز کٹاوندے نیں
گڈی بابے دی ہوئے نہ بوکاٹا
بابے تنکا پیار نال لاوندے نیں

ایہناں وِچوں کجھ ایہو جیہے وی ہوندے نیں جیہڑے ماڈرن ٹیکنالوجی جہڑی اج کل نوجوان ایس میدان وچ کثرت نال استعمال کردے نیں، اوہنوں رد کردیاں ہویاں کہندے نیں۔
انٹر نیٹ موبائل دے اْتے بابے بَڑ بَڑ کردے نہیں
مْنڈیاں وانگوں ککڑ بن کے ہر تھاں پھڑ پھڑ کردے نہیں
صبر، تحمل ہولی ہولی بابیاں دا ورتارا اے
سپاری کھان پپول کے منڈیاں وانگوں کڑ کڑ کردے نہیں

کدی کدی شوخی تے تکبر وچ اپنی مہارت نُوں منواندیاں ہویاں ایہ وی کہہ جاندے نیں
کلاشنکوف دے وانگوں کوئی بابا تڑ تڑ کردا نہیں
میلے ٹھیلے چوکاں دے وچ کدے وی گڑ بڑ کر دا نہیں
اوکھے سوکھے سبھ کماں لئی عمر تجربا بابے دا
شبنم بن کے وسدا منڈیاں وانگوں گڑ گڑ کردا نہیں


Share |


 

Depacco.com


 

 

Your Name:
Your E-mail:
Subject:
Comments:


Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels