(راؤل گاٹیکا ١٩٦٣ وچ مکسٹیکو بولن والے میکسیکو دے پکھی واس قبیلے چ پیدا ہویا۔ دو سال دا سی جدوں یتیم ہو گیا تے ست سال دی عمر وچ اک دوکان تے کم کرن لگ پیا۔ ستاراں اٹھاراں سال دی عمرے اوہ زمین دی واپسی، پانی دے حق، جنگلاں دی سانبھ وغیرہ دے مسئلیاں تے آپنے بھائیچارے نوں جتھے بند کرن وچ رجھ گیا۔ آپنے جدوجہد نال بھرے جیون وچ اس نوں کئی وار جیل جانا پیا تے کئی وار پولیس تشدد دا شکار ہونا پیا۔ تن سال پہلاں وینکوور وچ اک پکھی واس لوکاں دی کانفرنس چ شامل ہون آیا اتے سیاسی پناہ لے کے حال دی گھڑی ایتھے ٹک گیا ہے۔)
ہیسٹنگز
ہیسٹنگز سڑک اک مہاندیپ (بر اعظم) توں کتے ودھ ہے: ایتھے دیاں بدبواں دور دریڈے شہراں دیاں بدبواں ورگیاں ہن، میرے شہر ورگیاں تہاڈے شہر ورگیاں سبھناں دے شہراں ورگیاں سرکار جو اس گند دا پربندھ کردی ہے ایہہ بدبواں اوہدی نفرت وانگ ہی سڑاندیاں نے
ہیسٹنگز، میں اس تے نت تردا ہاں تانجے ایہدا چہرہ نا بھلاں میں آپنے قدماں نوں ایہدی پوشاک نال مِندا ہاں میں ایہنوں ہمیشاں ایہدے تن دی لمبائی چوڑائی وچ دی دیکھنا چاہندا ہاں ہیسٹنگز کٹھی ہوئی پئی ہندی ہے منہ گھٹ کے اڈیکدی کہ اوہ بولن گے جاں آپنیاں اکھاں بند کرن گے کہندی کجھ نہیں پر پتہ سبھ رکھدی ہے
بھنگ تے کریک دے نشے نال بھنیا پیا ایہدا منہ دیکھ روندا ہاں کوک تے ہیروئن دے سفنیاں وچ گواچی ہندی ہے جو ایہدے آپنے نہیں ہندے ہائے نی ہیسٹنگز سڑکے! ہر کسے دیئے بدنامیئے ایتھے جو ہندا ہے اس توں انجان ہون دا ناٹک کوئی نہیں کر سکدا
ایہہ تاں کہہ سکدے نیں انھے دیکھیا نہیں پر ایہہ نہیں کہہ سکدے اوہ جاندے نہیں
ہائے نی ہیسٹنگز سڑکے!
ایداں کیوں ہے ہر پاسیوں دھرکاریاں لئی توں ہی سہارا بندی ایں سماجی نیماں (اصولاں) دے قتل کیتے نندے ہوئے لوکاں دی اکو اک ٹھاہر قانون نیم (اصول) تے فوڈ بینک دی خیرات ویلفیئر چوں ملے سکے بس دا ٹکٹ، دانیاں توں ملے لنچ گند مند دا پربندھ کرن والے مافیئے اتے سرکاری کارکناں توں بچیا کھچیا
بے لوڑیاں زندگیاں کوڑے وچ سٹیاں بھوت وی سڑاند ماردے نے ایتھے ہر پاسے گند دی، نراشتا (نا امیدی) دی بدبو ایویں تاں نہیں پر ایہہ گل کسے نا کسے طرح واپردی ضرور ہے کہ اتھے نرمائی دی وی مہک آؤندی ہے
ہیسٹنگز تے انکڑے کدے پھیرا نہیں پاؤندے اس کھونجے تاں اوہ کدے آؤندے ای نہیں میں خون تے دکھ دی سانجھ والے آپنے آد واسی (پکھی واس) بھیناں بھراواں نوں ہر جگہ بھالیا ہے میں اوہناں نوں اس سائیڈ واک تے دیکھیا پر اوہنیں پہچانیاں ہی نہیں مینوں اوہناں دی ساری جدوجہد تے سارا بھوکھ (بھلک، مستقبل) نشے دی اگلی لوڑ پوری کرن تک ہی سیمت ہے
ایہہ جنہاں نوں میں جاندا ہاں آپنے جھلسے رنگ، چہرے اتے چمڑی نوں دھوندے نے مرد جاں عورت اس نال کوئی فرق نہیں پیندا تے نا ہی اس گل نال کہ اوہناں دے سریراں نے کنے سالاں نوں جنم دتا ہے تے اوہ انجانیاں ہی گندے مندے ہن ڈرگ دی مقدار جو سستی تے قاتل ہے ایتھے کتے بھونکدے نہیں سگوں اہناں دے دکھ وچ روندے ہن
اتے انہاں لئی جو اس گل توں حیران ہن اسیں ہار کیوں نہیں من لیندے ہیسٹنگز جے کسے چیز توں ودھ ہے اوہ ہے غصے دا کٹھے ہونا ہے اوہ یاد جہڑی مان متے مکے وچ جان بھردی ہے ایہہ راہ جس بھوکھ دی بات پاؤندا ہے اوہ مینوں نہیں چاہیدا ایہہ اوہ دسدا ہے جس ورودھ (خلاف) میں آپنی شکتی (طاقت) نوں لام بدھ کیتا ہے
بہت ہو گیا جے اسیں مرنا ہی ہے تاں ہن چپ چپیتے لمے پیاں نہیں اس گئی گزری غریبی نوں ودروہ کرن دیو کجھ وی مفت نہیں ملدا تے سڑکاں صاف کرن لئی کجھ ڈرگاں دی وادھو ورتوں تاں ہووے گی ہی اولمپک دا ورھا سانوں وپار دے کنڈھے توں جھاک رہیا ہے
ہیسٹنگز امید دی قبر نہیں ہے
نائیو
نائیو اوہ تھاں ہے جتھے جنگل ہر رنگ دے رکھ اگائے رکھاں دی گرمی توں بندے بدل کردے اسمان نوں گبھن اسمان ہاتھیاں دیاں تصویراں واہے جو کیڑیاں نال کردیاں چھیڑخانی نائیو وچ سارے بدّل تے اوہناں دے ہاتھی تے اوہناں دیاں کیڑیاں جشن روندیاں نے اس نوں دیکھن توں پہلاں تسیں یوکنیمو دی ہوا وچ سفر کردے ہو جتھے ٹھنڈھ خونخوار پنجیاں نوں جنم دیندی ہے تے پتھراں نوں چٹے کردی ہے اتے سدا ہی ایتھے چپ نالوں کجھ نا کجھ وادھو ہندا ہے۔
نائیو دے کارن مینوں پتہ ہے انہاں نے میرے کول ہر تھاں جھوٹھ بولیا ہے: دن بجلی دے چانن دی طرح بل اٹھدے نے تارے کسے تارا منڈل چوں نہیں آؤندے نا اسمان نا بدل انہاں نوں جنمدے نے سبھ کجھ دھرتی چوں اگدا ہے اتے پہاڑاں اوہلے چھال مار جاندا ہے جتھے برکی نال سویرا ہووے تے چند چڑھے
نائیو اک انڈیئن (نیٹو) وسیرا ہے جتھے "ترقی" چند دے گول منہ نوں ہنجھو اتے بن اکھے چیل دے سارے دے سارے رکھاں نوں نگلن دی کاہل وچ ہے
خندق
میرے پیار تینوں پیش کرن لئی کویتا میں لکھدا ہاں اس خندق چوں جو کویتا ہے اک سپاہی کویتا جو آپنے سپنے لئی لڑدی ہے اک بندوق کویتا جو کلپنا دے شرلے چھڈدی ہے اک گولی کویتا جو شرمناک چیزاں نوں چھلنی کردی ہے اک ہتھوڑا کویتا جو جیل خانے توڑدی ہے تے بے انصافیاں تباہ کردی ہے ایہہ کویتا جو آپنے آپ وچ پیار ورگا کجھ نہیں رکھدی میں تینوں پیار وجہوں پیش کردا ہاں
(انگریزی توں التھا:سادھو بننگ) "وطن" دے شکریئے نال
