مگروں لیہہ جا ہُن جرنیلا! مگروں کیوں نونہہ لیہندا؟ بُش دیا خاص مندرجہ ذیلا! مگروں کیوں نونہہ لیہندا
دس اِس قوم نوں کیہ دِتّا ای؟ دیس دا کیہڑا پھٹ سیتا ای؟ لال مسیت دے پڑھیہاراں دا آدم خورا ! لہو پیتا ای ڈالر ، یورو کٹھے کر کے سارے مال دا کیہ کیتا ای؟ اجے وی بھریا نہیں تیرا تھیلا؟ بُش دیا خاص مندرجہ ذیلا! مگروں کیوں نہیں لیہندا
توں کشمیر تاں لے نہیں سکیا کارگلاں دیا وڈیا سکیا کوڑ کڑل دیا ہڈوں پکیا توں ہر چھپڑوں چِکڑ چھکیا تینوں کدیں کسے نہیں ڈکیا پھریں ترنجنیں بن بن چھیلا بُش دیا خاص مندرجہ ذیلا! مگروں کیوں نہیں لیہندا؟
عدل دیا جھلیا جلّادا! راتیں سون توں پہلے دادا! استعفے دا کریں ارادہ قوم نوں تنگ نہ کریں زیادہ آکھن رو رو ہیر تے لیلیٰ بُش دیا مندرجہ ذیلا! مگروں کیوں نہیں لیہندا؟ مگروں لیہہ جا ہُن جرنیلا! مگروں کیوں نہیں لیہندا
