جاپان وچ اک وڈا سارا ہدوانا (تربوز) جمعے دیہاڑے 6100 ڈالر دا وکیا ہے جیہڑا جگ دے کسے وی ملک وچ وکن والا سبھ توں مہنگا ہدوانا ہے۔
ستاراں پونڈ وزن دے کالے رنگ دے ہدوانے دا ناں 'ڈین سوک' ہے تے ایہہ جاپان دی اُتری جزیرے ہوکیڈو وچ اگایا جاندا ہے۔ ایہنوں میرین پروڈکٹس دے اک وپاری نے لیا ہے جیہدا آکھنا ہے کہ اوہ مقامی زراعت دی مدد کرن دا چاہیوند ہے۔
تھوما اگریکلچرل کارپوریشن دے بلارے کازویوشی اوہیرا دا آکھنا ہے کہ ایہہ ایس نسل دے ہدوانے دا سبھ توں ودھ مُل ہے۔ جدوں کہ دوجے سٹوراں تے انج دے ہدوانے 188 توں 283 ڈالر دے وکدے ہین۔ فیر ایہدے وچ کیہڑی ایہو جہی گل سی کہ ایہدا مُل چھ ہزار ڈالر توں وی ودھ گیا؟
ہاں جی! اوہیرا دا آکھنا ہے کہ '' ایہدے مُل دی وجہ ایہدا وکھرا کالا رنگ تے وکھرا ای سواد ہے۔ اوہدا آکھنا ہے کہ ایہہ ہے تے ہدوانا ای۔۔۔ پر لگدا نہیں۔''
