سوئنے ورگی کھری، نروئی، مِٹّی میرے خواب دی چانن دی لشکارے مارے، خاک جیویں مہتاب دی
نِسریاں ہوئیاں پیلیاں دے وچ لُکی ہوئی بلدیاں بُجھدیاں اکھاں دے وچ وِچھی ہوئی سو سُندر مٹیاراں ورگی ایہہ دھرتی پنجاب دی سوئنے ورگی، کھری، نروئی مِٹی میرے خواب دی ہتھاں دی ہک کندھ اُسارو،ایہنوں سنوارو بانہواں دے اس واڑے دے اُس پار کھڑکدا خطرے دا گھڑیال تے کُوکے کھُوہ دی سِنی ماہل وجاوے سنکھ بڑا بند ہوا ہئی، لا کے ہِک دا زور ہَلاویں پنکھ ذرا ایہہ مِٹی کنکاں دا دریا ایہہ دریا رنگاں دی برکھا اس برکھا وچ پُنگھردے نیں پِپل رڑے مدان دے لکھ لو! میں پنجابی ہاں چھویاں ورگے ہتھ نے میرے میرے آل دوالے چردے بار دے کالے کٹ وچھیرے پر میں اپنی جد دا ویری میں قاتل بھاشا دا میں دشمن پنجاب دا لکھ لو! میں پنجابی ہاں
