آسٹریلیا دے اُتری جنگلی شہر ڈارون وچ اک اُچی بلڈنگ دی دسویں منزل دے اک گھر دے غسل خانے وچوں اک چھ فٹا سپ نکل آیا۔ سپ پھڑن والے کرس پیبرڈے دا آکھنا ہے کہ ایہہ کالی سری والا سپ کسے نے پالیا ہویا سی تے ایہہ گٹر دے پائپاں وچ تردا پھردا ایتھے آ نکلیا۔
کرس دا آکھنا ہے کہ جدوں اوہنے ایڈے وڈے سپ نوں دسویں منزل دے غسل خانے وچ ویکھیا تے اوہ حیران رہ گیا۔ گٹر دے پائپاں توں اڈ ایہدے اوس گھر تیکر پجن دا ہور کوئی راہ نہیں ہو سکدا۔ کرس دا آکھنا ہے کہ اوہنوں پھڑن مگروں اوہنوں نہواؤنا پیا کیوں جو اوہ بڑا گندہ ہویا سی تے اوہدے وچوں بو آ رہی سی۔
