72 ورھیاں دی بُڈھڑی جیہدیاں دو دھیاں تے پنج دوہترے دوہتریاں ہین، دو جڑواں بال جم کے دنیا دی سبھ توں وڈھیری ماں بن گئی ہے۔
اوم کاری پنوار دے گھر پچھلے ہفتے وڈے آپریشن نال اک کڑی تے اک منڈا جمے نیں۔ بالاں دے 75 ورھیاں دے پیو چرم سنگھ دا آکھنا اے کہ اوہ بہت خوش اے۔ چرم سنگھ بڑے اوکھیاں ہو کے میڈیا نال گل کرن تے راضی ہویا کیوں جے اینی عمر وچ بال جم کے لوکاں وچ اوہنوں بڑی نموشی ہوئی اے۔ ہندوستانی ریاست اُتر پردیش وچ اوہدے پنڈ دے کئی لوکاں اوہنوں مندا وی بولیا اے پر اوہ تے اوہدی گھر والی آپوں وچ بڑے خوش نیں۔
چرم سنگھ دا آکھنا اے کہ ''ساڈی سدا ای ایہہ سدھر سی کیہ رب سانوں پُتر دیوے۔ پر رب نے نہ سنی۔ پر ہن اسیں رب دا شکر کردے آں کہ اوہنے ساڈی سُن لئی اے''۔
