آکسفورڈ یونیورسٹی دا 17 ورھیاں دی عمر دا پی ایچ ڈی
وچار ڈیسک
July 9th, 2008
برطانیہ دی آکسفورڈ یونیورسٹی ہانگ کانگ دے ستاراں ورھیاں دے اک گھبرو نوں پی ایچ ڈی وچ داخلہ دیون لئی راضی ہو گئی ہے جیہدے نال اوہ ایس مشہور یونیورسٹی دا پی ایچ ڈی وچ سبھ توں گھٹ عمر دا پڑھیار ہووے گا۔
ہوراتیو بودیہارجو چوداں ورھیاں دی عمر وچ آکسفورڈ دا 'انڈر گریجویٹ بنیا سی تے ہن یونیورسٹی نے اوہنوں ریاضی دے مضمون وچ پی ایچ ڈی کرن دی اجازت دے دتی ہے۔ ایس توں پہلوں اوہدا بھرا 'مارچ' نو ورھیاں دی عمر وچ یونیورسٹی وچ داخلہ لے کے ہانگ کانگ دا سبھ توں گھٹ عمر دا یونیورسٹی پڑھیار بنیا سی۔
ہوراتیو دا آکھنا ہے کہ اوہ پڑھ لکھ کے مائیکروسافٹ دے بل گیٹ ورگا کامیاب بننا چاہوندا ہے۔ 'مارچ' دنیا دیاں نظراں وچ اودوں آیا سی جدوں اوہنے ہانگ کانگ دی اک یونیورسٹی وچ ریاضی دا کورس شروع کیتا سی۔ اوس ویلے اوہدا آکھنا سی کہ اوہ 'آسان جماعتاں' پڑھ پڑھ کے 'بور' ہو گیا اے۔
