جدوں اکو جہے مہاندرے دیاں دو جوڑیاں بھیناں ڈیان تے ڈارلین نے اکو جہے مہاندرے دے دو بھرواواں کریگ تے مارک نال دس ورھے پہلوں ویاہ کروایا سی تے اوہناں نوں ایہہ گویڑ ای نہیں سی کہ اوہناں دے جوڑے کنے ودھیا ہوون گے۔
ٹیکساس وچ رہن والے ایہناں جوڑیاں نوں عشق ہو گیا تے ایہہ سیر سپاٹے لئی لاس ویگاس گئے جتھے تاش کھیڈدیاں اوہناں نے ہزاراں ڈالر جتے۔ جدوں اوہناں نے ویکھیا کہ ایہہ جوڑے اوہناں لئی بھاگاں والے نیں تے اوسے دیہاڑے اوہناں نے منگنیاں کروا لئیاں تے اکٹھے ای ویاہ کروا کے نالو نال گھر وی وسا لئے۔
چھیتی ای اوہناں نال اوہ واپری جیہڑی لکھاں وچوں اک واری واپردی اے۔ ڈیان اتے کریگ دے گھر اکو جہے مہاندرے والے جوڑے کولبے اتے بریڈی جمے۔ تے دوجے جوڑے دے گھر اکو جہے مہاندرے والیاں دو جوڑیاں کُڑیاں۔
ہن ایہہ جوڑے منڈے ست ورھیاں دے ہو گئے نیں اتے اوہناں دے ماپے کریگ تے ڈیان اوہناں نوں اوہائیو وچ ہوون والے جوڑیاں دے اک میلے وچ لے کے جا رہے ہین۔ 'جوڑیاں دا دیہاڑ' اک ورھے وار اکٹھ ہے جتھے عام طور تے اکو جہے مہاندے دے جوڑے بھین بھرا اکو جہے کپڑے پا کے اکٹھے ہوندے ہین۔
